[*~M!sS Mfa76a]

حبيبي ودي لو ... / أنسى
وبهالعالم أبي أسلى
أبي أنساك وأنساني
وأطوي أحزاني بايامي .. ولا أرجع أبد ثاني
أنسى اليوم وأعيش اليوم بدون مايوم تجي ببالي

مستغرب ...!!
تبي تسال وتستفسر ..؟

لا تسأل
كذا طبعي مثل طبعك
غريب وصعب يتفسر
تبي تفهم ..؟ حس شوي لو تقدر ..!
فكر كذا واتفكر
ومهما صار مااتصور بيجيلك يوم وتتغير
غريب انت وأنا أغرب
وأطباعي لأطباعك ترى أقرب

خذ مني قراري اليوم
نويت أمد فضا فكري
وأعد نجومي من بدري
وأحاول أكتم بصدري
بس أخاف وأتخوف
ضعفي معك يتصرف

وقبل ما أبدي .../ بخطوه
وأحلل ناتج الحسبه

لقيت الهم وصل قبلي
ورمى بحمله وسط صدري
بس بصبر وأكون أقوى
بدور لي على جدوى
يجوز إني أبي بعده
ويجوز إني أبي قربه
نويت أحسم أنا الفكره
ونويت بهجره وصده

ياليت أقدر
تفتكر أقدر ؟

بحاول معك ... / وأتصبر
وخلك معي لا تبخل
وبوعودك لا ترحل
ولو ماصار ومهما صار
وحلمي غاب مع الأصرار
معي بتكون أو بكون مع طيفك
مع همسك
مع ذكراك
بكل مافات من لحظات
من البسمة الى الضحكة
الى الدمعه ... / والأهات

تدري عاد ... ؟

سرحت بعيد وأنا أفكر
أبيك ترد ... وتقرر
رد وقول ... مو معقول !!
أنا أبعد عن عيونك !!
وطيفي يكون محبوبك !!
أنا كلي مجنونك
وكيف أحيا أنا بدونك ..؟؟

تكفى رد لا تسكت
رد وقول
عساني ما انحرم منك
وعسى عمري بعد عمرك
وعسى لحظة تفرقنا تغيب ولا تجي يمك
حبيبي قول
أبي أسمع
تكفى رد لا تسكت

برود الصمت يلحقني
وسيل الدمع يسرقني
وعن أفراحي يبعدني

كذا حظي وأنا أدري ماعمره طاب وأسعدني
بس بصبر وأقول اليوم أو بكره يكون ... / أجمل