[بسمة . .]

*nana*

المستويات باكسفورد خمسة ، لكن كل مستوى ينقسم لجزئيين A و B
ومدة كل جزء شهر ، وسعره 1900 لما تسجلين اول مرة ، بعدين يكون بـ 1800
يعني المستوى الواحد يكون شهرين ..

الكتاب منوع ، وندرسه كله ، بس التركيز يكون مكثف على القرامر في المستويات ، وفيه دورات ثانية للمحادثة ..
بس انا استفدت من المستويات كثير سواء بالقرامر او المحادثة لأن اصلاً انتِ مجبورة تتكلمين انجليزي بالكلاس ، والأستاذات كلهم اجنبيات ..


كل اسبوع يكون عندنا اختبار ، والأسئلة من ادارة الأكاديمية ، والاستاذات أنفسهم مايعرفون الأسئله ..
كل اسبوع يكون عندنا عشر كلمات جديدة أو اكثر (اذا انتم طلبتم) نحفظها بالإسبيلنق وتجي في الإختبار ..

وش بعد ؟!

ايه عدد الكلاس ، أخذت مستوى بجزئية A و B كان معاي 3 بنات بس ، بس أخر مستوى أخذته اول يومين كنا ثلاثة ، وأخره كنا 10 تقريباً ..
الفترة اللي تنتظريها ، هي فترة انتهاء كلاس وفتح جديد ، مثلاً تبغي بالصباح من 9 الى 11 ، وطلع مستواك 2A ، واصلاً 2A مفتوح وبناته يدرسون ، فتختارين فترة ثانية يكون فتح الكلاس فيها قريب ، او تنتظرين لحين انتهاء واحد وفتح اخر ..
انا اطول فترة انتظرتها كانت اسبوعين ، بس كنت مصرة على فترة محدده ، وكنت كل يومين اتصل فيهم اسأل ..

الأسعار من فترة لفترة تصير عروض حلوة ، قبل فترة انتهى عرض الحج ، كان تاخذين دورتين بـ 3333 ، وقبله كان عرض رمضان قوي جداً دورتين + دورة محادثة مجانيه بـ 3333 ، واذا ماكنت ملتحقة بعرض ، فهم يراعون جداً من ناحية تسليم المبلغ ، يعني ممكن تقصدينه لهم خلال دراستك ، اهم شيء مايجي اختبار الفاينل الا انتِ دفعتي اللي عليك ..

بخصوص الطاقم اللي يشتغلون فيه مريحين ومتعاونين ماشاء الله ، ويسمعون منكم في حال عندكم شكوى أو شيء ..

مدري وش أضيف ، بس اذا عندك انت او أي احد اسئله بخصوصه ، تفضلي ..