[قانع]

المشاركة الأصلية كتبت بواسطة آمال وطموح بسم الله الرحمن الرحيم شلونكم يا رواد سكاو ؟ بداية حبيت أقول للي يدّعون أنهم يَدْعون إلى الله إغرسوا الترغيب قبل الترهيب منذ أن كنا صغارا ونحن نسمع الكثير من الخرافات والخزعبلات وأنواع الترهيب وترتعد فرائصنا ثم نعتاد الأمر ونعود للمعاصي والذنوب بشكل أقوى من ذي قبل السبب برأيي المتواضع أن الترهيب هو أضعف بكثير من الترغيب فإلى متى سيظل الإنسان خائف وهو في خلقته غير معصوم عن الخطأ خليني أقولكم مثال ولله المثل الأعلى لما تخاف من شخص في حياتك اليومية راح تلجأ له ولا تبتعد عنه ؟ > هذا اللي راح يصير آخر شي في أطفالنا واحنا شغالين تأليف لقصص الترهيب ونشر ولكن إذا جينا الحين لواقعنا إلى الآن فيه قصص تنتشر على نفس النمط وكأن اللي يألف القصص شخص واحد صحيح هدفه سامي إنه يقرب الناس من الدين ما يدري انه ينفرهم إذا أعطوه وجه وسمعوا قصصه ! زي قصة الحرمة المتبرجة ومتعطرة ولما نصوحها وقالوا لها في السوق تستري تخيلي يجيك الموت ضحكت وقالت خليه يجيني على بوابة 7 وراحت هناك لقيت الموت يستناها (سبحان الله) ولا البنت اللي مصخها الله على شكل حيوان عشان استهزأت بالقرآن الجدير بالذكر في هذه القصة انهم اكتشفوا ان صورة البنت الممسوخه ماهي إلا تمثال مصنوع من الشمع ناسية في أي دولة! ولا الحرمة اللي قالت انها بتقول لملك الموت كش كش وجاها بعد خمس دقايق وأخذ روحها مع احترامي لصاحبة القصة هي مجرد ناقلة كانت لا أكثر ولا البنت اللي كانت لابسة بنطلون وماتت فيه وبعدين عند المغسلة انسلخ جلدها مع البنطلون وهم ينزلونه منها وقصص وربي أستحي أقولها من كثر سخافتها بدال ما اخاف منها اصير اضحك من اللي نقلوها لبعض وهم يحسون انهم يوعظون بعض ! يعني سؤال واحد (إلى متى والإستهتار بعقول الناس؟؟) ما ادري الشخص إللي يألف مثل هالقصص وينشرها هل هو جاهل يبغى يدعو للدين عن طريق الكذب ولا هو انسان مستخف بعقول الناس وجالس يطقطق عليهم ولا هو واحد يستهزي بالدين يعني انا نفسي أعرف كيف الناس تتناقل مثل هالقصص؟ لا أعتقد أن الإسلام يبيح الكذب في سبيل الدعوة !! الله سبحانه وتعالى حليم رؤوف بعباده ستار هل يستر عليهم طول فترة حياتهم ويفضحهم وقت موتهم؟ وقصة المسخ اليهود والنصارى قالوا كلام فضيع ومازالوا يقولوه قالوا ان عيسى ابن الله تعالى الله عما يقولون علوا كبيرا فهل يمهلهم الله عز وجل ويعجل بعذابه للمسلمين من عباده؟ الموضوع هنا عتاب لأصحاب القصص الكذابة وللناس اللي يقرون القصص وينقلونها لبعض رجاءا مثل هالمواضيع لا احد يستهتر فيها تراها شي مو بسيط ثقافة كذابة ننقلها لعيالنا بكرة لما يكبرون ويعرفون انها كذب وانتم تحت اطباق التراب وش تتوقعون الأفكار اللي ممكن تتشكل في عقولهم حولها ؟ علموا بعضكم حب الله والرغبة إليه قبل الخوف والرهبة منه.. هذا كان رأيي وأتمنى فكرتي وصلتكم وإذا غلطت في شي صوبوا لي وتذكروا دايم خير الكلام ما قل ودل كل الود

شكرا لك على الطرح اختي
بالنسبة لما خط بالاحمر بالمقصود منه ومن تقصدين بأنهم قالوه؟ وما علاقته بالموضوع هل وضحتي لي لعلي افهم

ربما سيكون لي عودة بمشاركة اخرى

تحياتي لك.