[Hno0odh]

المشاركة الأصلية كتبت بواسطة امرؤالقيس هي صادقه هنووده ,, وأنا بعد أقول لكم ولكل من تسؤل له نفسه أخذ هذه الماده أن يراجع حساباته ,, ياجماعة الرفاااق ,,, ( من متى الميانه يا أنا!! ) منذو مبطي خخخخ,,,, المهم هذي الماده محتواها كبير رغم إنها ممتعه ولكن مشكلتها كانت بالدكتور اللي أختبرنا فيها ,, لأني دخلت الإختبار وأنا ماخذها حره طبعاً من سهولتها ,, يعني إني وتفجأت إن حنا تقريباً بس 20 طالب وإذا دكتور الماده بنفسه جاي يختبرنا ,, أستغفر الله العظيم ,, حرام يكون دكتور ,, ورقة الأسئله تجيب المرض والخط مو واضح والرجال تحسه بليد ,, أعطيكم مثال ,, يجيك سؤال يقول لك فيه من مصادر المعلومات القديمه ,, ويرص لك أربع إجابات كلها من مصادر المعلومات القديمه أنت وش تختار !!!؟؟ يارباه أسواء نتيجة حصلت عليها في حياتي من أول إبتدائي لين الحين كانت درجتي بهذه الماده ولله الحمد والمنه عديت بإعجووبه ,, لذالك جرى التنويه ,, أتمنى لكم التوفيق . امرؤالقيس

منننننننن جد
تقهررررررر الماده وكلها نظري وددش كلااااااام ><
يعني هي يستفيد منها اللي يبي يتثقف لكن كدراسه غثييثه ترا كلها كلام نظري وحفظ وماشوفها سهله للامانه يبي لها جهد وخصوصا اللي الحفظ عندهم مو مره .. تتكلم الماده عن مثلا كيف كانوا زمان وش مصادرهم اللي يكتبون عليها وتعاريف للكتاب وللمخطوطات وغيرها بس طبعا هي اعمق من كذا بكثير واسئلتها تجي دقيقه ماعجبتني الماده صراحه ><

وعموما زي ماقلت لكم من اول انه ممكن فيه ناس تشوفها سهله بسبب الاستاذ حق الماده ، يعني انا نزلتها على اساس مدح البنات للماده بس ما اخذتها مع نفس الاستاذه اللي درستهم وتورطت وماتسهل لنا حقتنا ابد بالعكس فيه تطبيقات عملية وتكاليف بحوث وحوسه >< اقولكم اول ماده احوس فيها كذا


ونصييييحه اللي يبي يااخذ ماده حره ياخذ سيرة نبوية من قسم التاريخ مو من قسم الدين انتبهوا لان السيره اللي في الدين صعبه ..

انا ما اخذتها لكن باخذها بعدين ان شاء الله اشوف كثير بنات مدحوها ويقولون سهله بالراحه تجيب الفل مارك فيها واشوف درجات زميلتي فيها ماشاء الله مره حلوة تقريبا فل مارك..

وربي يوفق الجميع ..