طيب حقناا للدماء
الموضوع كل ابوه من طقطق لسلام عليكم كالتالي :(((وجه نظر طبعا قد تكون خاطئه تحتمل الصواب او صحيحه تحتمل الخطأ))
علي زين غلط غلطتين
اولها واشنعها انه اعطى وجه لطلاب والله من جد ترا حنى ماننعطى وجه
انا شفت في الرياضيات كيف الشعب طايحه درجاتهم والوضع جدا عاااادي وتسألهم كيف الدرجات يقولون خليها على ربك ويمكن حتى مايعرفون اسم المنسق وانا برضه مدري وش اسمه
بس لما تسألهم عن الفيزياء... هاتك سب ولعن وشتم في علي زين
الغلطه الثانيه انه حاول يطور بس مافي ناس صاحيه تدرس الماده كل اعتمادهم السنوات الي فاتت على ملخصات اشرف اقولكم كيف
ضلضل علشان تقدر تقرا والا مسوي زرقاء اليمامه ((عذرا على الشطحه))
يجيك الدكتور يشرح ومسوي نفسه انه ابن الهيثم وتجي ايام الامتحانات الطالب يروح لمذكرات اشرف ثم ياتي يوم الامتحان الطالب يروح يحصل الاسئله مرت عليه من المذكرات وينجح بتفوق او بدرجه ترضيه
انتبه معي القصه ماخلصت
طبعا تطلع النتايج يشوفها الدكتور ويصدق نفسه على باله ان شرحه على ارقى مستوى وانه افضل مدرس في الدنيا ومايدري انه ارتكب جرائم في تدريس هذه الماده
على العموم لا تفكرون كلامي هذا دفاع عن علي زين او تقولون هذا من الدوافير تراني ولاعه وتخب علي بعد
ولا تفكروين بعد اني من الي بايع ام الدراسه بسقاره
اما بالنسبه للاسئله فظني انها معقوله
وكما ذكر منسق الماده انه ماهو اهو الي حاط الاسئله فلماذا هذا الهجوم
واذا عندكم وجه نظر حابين تثبتوها روحوا له ترا مكتبه في كليه العلوم
ياتقنعونه يايقنعكم
ونقطه اخيره تراني في الدوري الاول جايب العيد
والحمد لله شديت حيلي وجبت درجه كويسه في الدوري الثاني وللمعلوميه تراني ادرس عن اسوء دكتور في قسم الفيزياء وما درست الا من اشرف بركات فقط لاغير لكن درست من قلبي والحمد لله على كل حال
فأنصح الجميع لا يجلسون يتشكون ويدعون كالعجائز في النواح
وكل طير يصيد بمخلابه
وسلامتكم جميع
والسلام خير ختام