كووح كووح ... السسلام عليكم
صرااحه اول شي لمن قريت موضوعك من البداايه اتفاجأت جدااااا يعني معقوول فيه شخص يوصل تفكيرو لهذي الدرجه
وبعدها فكرت انو من كلامك انت حااقد على المرأه .. اعذرني ولكن كلامك كله اتهااام للمرأه .. وانت مااتكلمت بالتفصيل من البدايه
لكن ماقدرت ارد او اقول اي شي او حتى افكر فيك بأي تفكير لين اقرأ ولو شوي من ردودك
لأن اتوقعت اول شي ممكن يصير يهاجموك البنات
وهذا شي اكييد طبعا مو الكل بس البعض لأن صراحه انت كاتب كلام شوي قوي بحق المرأه
المهم ... بعد ماقرأت شوي من ردودك < ماقرأتها كلها
عرفت ان انت قابل للنقاش والحوار .. وفيه مجال يتغير تفكيرك انت مو حاقد بس مقهور او بمعنى اخر غيوور على المرأه وتبغا لها الخييير .. لكن تبغا لها الخيير بحدود وهذا غلط
شوف دام المرأه ماسكه ادبها وحيائها واخلاقها مافيها خووف وين ماتروح وايش ماسوت ومافي مشكله ابدا انها تتعلم في اي مجال طب او دراسات اسلاميه او اي مجال ثاني وتصير جامعيه او دكتوره او حتى برفسوره دام اخلاقها عاليه ومحترمه .. لأن صدقني لو المرأه اخلاق ومتعلمه ومتثقفه وايضا زوجها نفس الشي بإذن الله يربو اجيااال متعلمه ومثقفه واخلاق
وانت تقول مافي مشكله تتعلم لكن تتعلم امور دينها !!!
اوك ماقلنا لا وهذا شي اكيييد تتعلم امور دينها ... اديك مثال (الطب) < يعني لازم البنت تتعلمو وهوا مايفيدها بأمور دينها ... لا يا اخوي يفيدها وبأمور دينها .. مثلا بتتعمق في التكوينات الداخليه للجسم وبتشوف كيف عظمة وقدرة الله في خلق الانسان ، بتعرف كيف الله سبحانه وتعالى خلق الطفل في داخل بطن امه وتعرف مراحل نمو .....الخ
بتقولي هذي مالها دور بالدين الا لها دور وكبييير .. وفوق هذا يعني بجانب انها تدرس طب كمان تروح محاضرات دينيه تدخل دورات دينيه .. يااخوي الحمدالله الأن اصبحت المحاضرات الدينيه والندوات في كل مكان في كل بيت ومسجد وحتى قاعات .. كل فتره يسوون دورات دينيه وادبيه وتعليميه ومجانا في قاعات وومرات يسوها في مساجد ... الحمدالله نحنا في بلد اسلامي والدين منتشر في كل مكان مو بس المدارس والجامعات
بعلق على رد انت رديتو على الاخت •♥fŗŌồtą رد رقم 12
لازم تغير من نظرتك ذي عن جنس حواء ولا بتتعب في حياتك
ليش أتعب الحمدلله ما دخلت اي حرمة بحياتي , ولا عندي خوات وعايش الحمدلله تمام . وقت الزواج يصير خير إن شاء الله .
انت ردك باللون
البنفسجي
انا اتفق معاها .. عارف ليه بتتعب في حياتك ؟!
موشرط تدخل حياتك حرمه او يكون عندك اخوات عشان تعيش !!
بس لو ظليت على هذا التفكير السلبي .. فكر في بعدين مستقبلا يعني ان شالله لمن تتزوج ويجوك بنات .. وقتها ايش بيكون تفكيرك تجاه بناتك !! او حتى زوجتك !! لاتقول بناتي اربيهم انا لا ماتقدر تربي ولا تعلم دام تفكيرك سلبي بهذا الشكل
انت صحيح ردك كان جدا رائع واخلاق صراحه ومااقدر انكر .. اللي لاحظتو انت فييك الخيير والحمدالله بس ماخذ موضوع المرأه من جانب واحد .. وهوا الجانب السلبي الأكثر من الإيجابي
طيب لمن تجي تفكر بالموضوع بهذا الشكل السلبي مره وحده فكر بشكل ايجابي .. وعدد الاشياء الحلوه اللي ممكن تسويها المرأه لاهلها وزوجها واطفالها وبلدها !!!
يا اخوي في كل مكان وبلد ودوله وبيت ومجتمع فيه الخير وفيه الشر في الفااسد وفي الصاالح
لاتعم الشر ولا تفكر بسلبيه كثير > احسن الضن في كل شي حتى لو في شخص ماتعرفو .. انت ماتدري ايش ظروفو او ايش الشي اللي قاعد يمر فيه
طيب اقولك شي اخييير < ادري طولت
حلوو انت موعاجبك الاشياء السيئه او التصرفات الغير لائقه اللي يسووها البنات صح ؟!
حلوو ليه ماتحاول تغيرها .. مثلا انصح > مولازم تنصح البنت مباشر
مثلا انت اتكلمت على تصرفات البنات في الجامعه قلت
<<< ولا يخفى عليكم الويات والمصخرة اللي نسمع عنها بجامعات البنات << اهلهم مرسلينهم عشان يرفعون الراس لكن يا حيف
حلوو تعال هنا في منتدى الجامعه لآن كل البنات ومن كل الشخصيات والصفات يدخلوو
تعال واكتب موضوع ايش شايف وايش تتمنى لو يتغير وانصح يعني انت وطريقتك او اسلوبك بالنصح
لكن موحلو اسلوب الاتهام الموجه بشكل قوي
اخووي .. اتمنى لك التوفيق والخير .. وياارب يرزقك بالزوجه الصالحه اللي تغير تفكيرك للأفضل وتكون زوجه صالحه لك وام رائعه لأولادك واستاذه متعلمه ومتثقفه لبدلها وبنات بلدها
العذر على الإطاله .. واتمنى تتقبل رأيي بصدر رحب .. هذا مجرد رأيي حبيت اشاركم فيه وقد اكون اخطأت او اصبت .. ^_^
