درب الغلا تسلمين ياعسل
ادارة مواد اسرية 1
اخدتها مع استاذه هنادي في المستوى الثالث كانت الماده معاها اوكي , تتكلم ع الاسرة والميزانية طلبت منا عرض بوربوينت قروب , تكاليف كل محاضرة بسيطة , وحفلة تخرج بسيطة بالكلاس كل قروب طبق الي كان ماسكو في العرض طبعا ,,, دا الي افتكرو .
اختبارها مقالي .
ادوات واجهزة منزلية
اخدتها دا الترم مع نادية عقباوي طبعا الماده معاها مررررره تمام ولو في مواد تانيه حاخد معاها لانها من ابو تاشير وحذف ربي يسعدها ,,, الماده تتكلم عن الامنيوم والنحاس والزجاج والاجهزة الكهربائية المكانس المكوه المواقد ..الخ طلبت منا عرض بوربوينت قروب , تكليف عن مواضيع المنهج , الكلاس كلو ينقسم لقسمين ونسوي مطويتين .
اختبارها مقالي وسهل .
سكن وتأثيثه
اخدتها في المستوى الثالث مع 3 استاذات : استاذه نسرين بامشموس , بيان , شيماء ,,, الماده عملي دمها ثقيل شويه وقتها طويل يوم في الاسبوع مثلا من 9 لين 4 ونشتغل بالكلاس ,,, لو كان عندك اخطا بالمقاسات ترجعي البيت وتعيديها امممم اختبارها عملي ونظري .
صحة فرد
اخدتها المستوى الرابع مع دكتوره هدى جلال ماده حلوه تتكلم عن الامراض والبيئه ومع استاذه سمر جزء الاسعافات الاوليه ,,, طبعا كنت اكتب معاهم المحاضرات لانها ساعدتني في المذاكرة , طلبت منا عرض بوربوينت , عملنا المهرجان الرياضي وتقرير عنه , ونحضر دوره او عمل تطوعي ونكتب تقرير برضو,,, الاختبار اتفاجات فيه صراحه اغلبو من برا الكتاب كانو معلومات عامة اممم طبعا في اشياء برضو من المحاضرات الي كتبتها معاهم وركز عليها جات
وعلى موارد اسرية 1 ,, اليوم رحت سويت جدولي شفت شعب للمادة دي اعتقد شعبة وحده مو متاكدة
بالتوفيق للجميع يارب