[WLD KSA]

كانت حلوه صراحة وتعرفت على شباب يحبهم قلبك لكن كلهم انتساب مدري التعليم عن بعد شايفين انفسهم لووول <يمزح

عيب الاختبارات كانت ورى بعض وهذا سبب ارهاق كبير في المذاكرة والمراجعة وغير كذا الأعداد الكبير لهذي السنة ؟ شي مو طبيعي زحمة على الخط السريع وزحمة داخل الجامعة والسبب كان اعداد الطلاب الكبيره .. المفروض يقسمونهم على مجموعات وكل مجموعة في اسبوع مختلف .... لكن طمع الجامعة في دراهم المنتسبين خلاهم يقبلون اكبر عدد ممكن ؟ (:

المهم الانجليزي والاتصال والتفكير آخر حلاوة وكنت مبسوط منها لاني اتوقع درجاتها راح ترفع المعدل بأذن الله


لكن المصيبه والكارثة اختبار الاحصاء شي ما توقعته ابداَ ذاكرت وراجعت اسئلة الاختبارات السابقة ما شفت مثل اسئلة هذي الدفعه والله كرهت الجامعة وكرهت نفسي وتحسفت على المذاكرة والتعب الي تعبته في الاحصاء ما نقدر نقول الا حسبنا الله ونعم الوكيل في حط الاسئلة هذي لكن بأذن االله اتجاوز هذي المادة لو بـ60 مع اني اتوقع راح احملها

وهذا اخر يوم في الاختبارات وكنت مخطط له زييين من عشاء وطلعه وتمشيه لكن بعد الاحصاء رجعت البيت مغبون قفلت الجوال وحطيت راسي ونمت قهر


وبأذن الله الترم الجاي نعوض الي راح من الدرجات