رد: بصراحة لا أقدر المرأة
إلى صاحب الموضوع ،
روح لأمك اللي تحبها الله يخليها لك أوكي ،،
واسألها :
كان ودك تدرسين ؟ كان ودك تتعلمين ؟ كان ودك تشتغلين بشئ غير شغل البيت وكرفه ؟ كان ودك ابوي يعاملك كنك أميره ؟ كان ودك تحسين نفسك ملكة الدنيا ؟ كان ودك يعاملك أبوي باحترام ويقدرك ويثمنك ؟!
لو تحبها من قلبك ،، بتفهم إن هذا شئ ضروري ومن دوافع الحياة اللي بتخليك انسان سعيد بإذن الله ،،
وسبحان الله ،، الإنسان تتكون أفكاره من تربية أهله له ،، ما أقصد الإساءة أخوي
ولكن بعض الأحيان الأهالي يغرسون أفكار سيئة جدا بالأخص الأب ،،
ومو شرط يغرس أفكار ممكن تكون معاملته لأمك كذا وانت معتبره قدوة لك ،، أو أفكار اصحابك كذا أو متأثر بأحد معين
ع العموم ،،
الشغلة بسيطة يا أخوي فيك الخير لأنك تبغى الحل ،،
وإن شا ءالله تتغير ،،
أولاً : لاتجلس بأماكن الفتنه ولا تشوف ولا تسمع بالفضايح هذه تزيد الطين بلة ،،
ثانياً : اقرأ واقرأ واقرأ ،، اقرأ كانت اول كلمة نزلت على النبي محمد صلى الله عليه وسلم
اقرأ كثير ثقف نفسك كثير في جميع نواحي الحياة اقرأ سير الرسول مع النساء كيف كانت كيف كانت معاملته مع زوجاته
اقرأ قصص ناجحة من الشرق إلى الغرب،،
أنا اتوقع أول ماتتزوج وتحب زوجتك بتتغير كل نظرتك لا وتخلف بنت ياساتر بتستحقر نفسك كيف كنت تقول هذا الكلام
ذكرتني بشخص أعرفه ( كان يستحقر شئ اسمه حرمه سبحان الله وهو شخص قريب لي ،، أمي انسانه مكافحة جدا في العلم وطلب العلم لين صارت معلمة ،، كان يستحقر أمي وكان يحرش ابوي عليها ليش تطلع برا البيت وليش وليش وكيف خليها تجلس تطبخ لك وتنظف لك واضربها وسوي فيها وافعل فيها ،، أبوي ماكان يسمع له ويطنشه ،، بعد 19 سنة من هذا الكلام ،، عنده الحين بنت عمرها 19 سنة ،، مدخلها أفضل المدارس ومتخرجة الآن تدرس صيدلة ماشاء الله ومهتم فيها ويبغاها بعد تبتعث وإلا مستقبلها ومدلعها وياساتر سترك يبغى يعطيها الدنيا كلها بكفها ،، سبحان الله شوف كيف ربي يغير الأحوال )
لاتستعجل ع نفسك ،، أعطي نفسك فرصة ولاتجهد نفسك بالتفكير في هذا الموضوع ،،
ومثل ماقلت لك اقرأ
عشان ترتقي بتفكيرك وتساعد نفسك وتساعد شريكة حياتك وبناتك بالمستقبل اقرأ
|