[~ ASHA]

المشاركة الأصلية كتبت بواسطة lily roses اناااااااااااااااااااااااا انا انا الحمد لله افتكينا من التحضيري وهمها بس مدري شو احلى تخصص ينفعني بالمستقبل بنات كل وحده تقول شو تبغى تتخصص وليه وش مزاياه انا عن نفسي ابغى انقلش بس خايفه لان درجاتي مو ذاك الشي مع اني متاكده اني حليت كويس

ياهلا كوويس إن شاء الله درجاتك تطلع كوويسه وانتي بعد النتايج روحي للجامعه وراجعي اجاباتك لانو مرات يكون الخطا منهم عموما لازم تراجعي تروحي بعد النتايج وتسئليهم ويودوكي للعماده المناسبه لاني للان معرف اي عماده

وعلى التخصص انا اداره اعمال إن شاء الله لاني إن شاء الله بشد حيلي وابغا درجاتي عاليا وابغا اكمل للماجستير إن شاء الله ابغا اشد حيلي والله يوفق الجميع

واما عن تخصصك انقليش انصحك لوتبغيه لازم حاجتين تكوني تحبيه اصلا وتكون عندك رغبه ليه عشان تقدري تحققي اللي تبغيه وتتخرجي وانتي إن شاء الله شااطره فيه تماام بس الانتساب صعب لانو بس سنترا يعني تفهمي عشان تختبري والسلام لاكن تضمني تتخرجي وانتي ببلبل؟؟ الله اعلم بس التعليم عن بعد كل يوم محاضرات واكييد مع كل يوم حتتتعلمي تفهمي الشرح الانقليش وتتبدي تتكلمي زيهم(اذا كان شرحهم في التعليم عن بعد كلو بالانقليش لاني مومتاكده بس اسئلي واتاكدي افضل) وإن شاء الله تتخرجي وانتي خلاص ماشالله واثقه بنفسك والله هذه نصيحه ورائي بس انتي رايك فوق دا كلو واستخيري واسئلي الف مره قبل ماتتخذي قرارك وتقولي البنت قالتلي وكدا <انا بس بديكي رائيي

وإن شاء الله ماكون ضيعتك بالكلام وإن شاء الله فهمتي قصدي لاني إن شاء الله لوماصار نصيب واتخصصت اداره اعمال حيكون اختياري الثاني إن شاء الله انقليش

والله يوفق الجمييع

وياريت ترسليلي ايميلك عشان نتواصل ونفيد بعض اذا ماعندك مانع

وياارب المعدلات عااليه للجميع