[خالد9921]

* ترجمه عن مقولة .. أين تذهب هذا المساء

- آحيييه مثقّف و راعي كُتب -

سلام الله عليكم ورحمته وبركاته..

في هذا الوقت الجميل .. وفي هذه الأجواء الأجمل من كل عام على جدّه
بعض الناس خلّصت إختباراتها أو على وشك تخلّص
وطبعاً لا شعورياً تجدهم بهالوقت يحتفلون بكل دلاخة إن إجازتهم جات
ولكنّهم لا يعون أنّ الفرحة ليست في الإجازة كإجازة ..
لأنّك متبيطح نوم يومين في الأسبوع

إنّما الفرحة الحقيقية
هي إنّك تقضي إجازة يجمد عليها الشارب فعلاً وتحكي عنها الأجيال قولاً

ومن هالمُنطلق وبحكم إنّي طرقت كل أبواب التمرّد والصياعة والسهر في جدّه
أصبحت ذاكرتي خالية الوفاض من أي مكان جميل ممكن أتمّشى فيه

رحت قبل أسبوع الكورنيش ولقيت أغلبه مقفّل وتقفيله زاد عن أوّل
طبعاً أحسنت النيّة
وقلت أكيد الهوامير اللي مقفلينه بيسوون مشروع حلقات تحفيظ عالشاطئ ..

قلبناها مطعسة .. ورحنا مخططات وتلال وجبال
وما لقيت إلا القمايم وإنتم بكرامة ..

بجد ودّي أشم هوى باريسي .. ودّي أفرفر في التلال النمساوية
بس ماني عارف وين مكانها في جدة بالضبط
سمعت عن بحيرة المسك وتحمّست للموضوع لكنّها بعيدة .. < فاهم غلط

الزبدة يا حبايب
اللي يـ/تـ عـرف مكان حلو للتمشية بجدّه أو ضواحيها
أو سير رحلة جميل للتنزّه ... يا ليت يقولّنا
وادعي له بالفل مارك لين أموت < هذا اللي يعاني فعلاً :/

طبعاً مولات .. كوفيهات .. لا تقولوها ماني راعيها

وإلا أقولكم عادي كلّن يدلو بدلوه حتى لو يتمشّى في بنشري سيارات

نعم للديموغراطية .. الشفافيّة .. الحريّة

.......................................

^

خالد السادس عشر

أوووم اللحسّة .. !

أدري إنّي سبّبت لكم عاهه فكرية طارئة بهالصورة وتسميتها
لكن اللي ذكاءه خارق شوي .. يستشّف الحقيقة من اليوزر الجميل خالد9921
وما تبعه من يوزرات خالدية في سسكاو
من خلال الصدفة فقط
اكتشفت أكثر من يوزر خالد على هالمنوال الغريب
خالد1991
خالد1987
خالد وأرقام ناسيها
خالد عشرطعش
ولا تنسوني انا أولّهم
بوليمر عطنا الباقية مع التصحيح من لوحة التحكم لا هنت

يا جماعة أكثر من يوزر خالد يحمل أرقام رُباعية بهالشكل المقصود خخخخخخ
لا وبعدين وشّو ..
اللي متخصّص أقسام إنتساب بس
واللي متخصّص قسم الهندسة بس
واللي متخصّص زي حالتي الساحة العامة بس
كل واحد ماخذ له دولة ..
يا لبى حنّا هيبة هيبة نُحاكي في وضعنا لويس الرابع عشر وسلالته !

بصراحة مدري وش أقول
هو أكبر غلط سجّلت على عُجال بهاليوزر بالمنتدى ؟
وإلاّ الغلط الشنيع الصبر على هالإعاقة اليوزرية وكتابة كم من المشاركات بها ؟
وإلاّ أنا اتوّهم والشبل في عين أبوه الأسد .. صرصار ؟
الأكيد إنّي من فترة وأنا بأثور على هالنك الواحد والعشروني
ومحتاج رأيكم .. ذوقكم .. فلفستكم
قبل القيام بأي طلب لمقام الإمبراطور بوليمر < مُراسلات سلالتنا تحتّم علينا هالتسميات

النك محتاج تغيير وإلا أخليّه لأنكم عرفتوني به واتعوّذ من إبليس ؟
إذا محتاج تغيير ممكن تقترح نك لايق عليّه .. ؟ لأنّي لا أفقه بالنكّات شيئاَ

نعم للديموغراطية .. الشفافيّة .. الحريّة

اللي يقترّح عليّه نك
بيدخل في سحب على 100 شكراّ لك في مواضيعه وتقييمات منّي والمزيد

..

over

خالد الحادي والعشرون