والله يا اخي الكريم ما ادري وش اقول
لكن بصراحة شديدة الموضوع فيه سر
التجار هم اصلا ضد تطبيق القرار لأنه يؤثر على مصالحهم المادية
وقبل كم سنة ايام ما كان غازي القصيبي (الله يرحمه)وزير العمل على ما اظن كان راح يطبق القرار لكن التجار قدروا يوقفونه للسبب المذكور والحين رافعين قضية على وزير العمل الحالي في ديوان المظالم عشان يوقف تطبيق القرار ويوم شافوه مصمم على تطبيق القرار والمهلة المحددة قربت تنتهي لجأوا لحيلة اخبث.
وبعدين القرار هذا صار له مدة طويييييييييييييييلة جدا من يوم اعتمد واشبع نقاشا والمفتي الله يحفظه ويطول بعمره ساكت طول هالمدة ولا تكلم الا يوم بقي على التنفيذ اقل من اسبوع !!!!!!!!!!!!!
وهو امس كان في ضيافة الملك ليش ما يقول للملك على ملاحظاته ؟
والشي الثاني ان الاسباب اللي ذكرها المفتي الله يحفظه تدل ان الكلام نقل له على غير حقيقته مثل قوله (وجعل المرأة في مواجهة الرجال تحاسب وتبيع بلا حياءٍ ولا خجلٍ )وأصلا ما وضع هذا القرار الا عشان ما تكون المرأة في مواجهة الرجال وهي تشتري اشياء خاصة جدا والبائع يتجرأ ويسألها عن مقاساتها.
وغير كذا القرار اسمه (تأنيث محال بيع الملابس النسائية ) يعني الحرمة ماراح تحاسب و تبيع الا على حريم زيها والمحل راح يكون للملابس النسائية يعني ما يدخله رجال .
وبعدين ايهما افضل : ان المرأة تتعامل مع رجل في شأن خاص مثل الملابس الداخلية لها مع ما يترتب عليه من مفاسد منها التحرش بها ولاَ تتعامل مع نساء زيها ؟
كل واحد يجاوب وش اللي يرضاه على اهله او على نفسه ؟