[غـنـى]

اليوم كان اختبار مادة لغات برمجة مع د. كمال خوالدي

مادة سيئة و دكتور أسوء و الاختبار صعب فوق المتوقع .. اصلا تشكو انكم داخلين اختبار مادة تانية لدرجة اني ادور اسم المادة اتأكد هذه ورقتنا ي جماعة ولا ورقة احد تاني !؟

في المحاضرات الشرح في جهة واسئلة الاختبار في جهة تانية أعلا درجة في الشعبة 24 من 30 في الاختبار الدوري وكل الاجابات مبنية على الظن و التخمين وما وافق يصححها معانا كمان

يعني فعلا شي مخجل لما تقولي لدكتور المادة أنا اخدت 21 من 30 في مادتك و يقلك اذن انت مستواكي ممتاز وما تحتاجي مساعدة او رفع درجات هذه وانتي ترم تخرج

والمخجل اكثر اذا طالبتي بحقوقك انك تشوفي ورقتك تعرفي اخطاءك او على الاقل تعرفي اعمال السنة حقتكم كم اخدتي من 60 كلوووو ممنوع وطبعا مراجعة ورقة الفاينل هذه من سابع المستحيلات

ولما كل ترم تتكرر نفس المعاناه مع نفس الدكتور .. عذرا يعني بس واضح العيب من مين
اكيد مو كل الطالبات في كل السنوات هم ناس ما تفهم عشان في كل ترم الدرجات بده المستوى

منجد ماني ظالمته الاسئلة كانت شي أول مرا نشوفه وابدا ما شرح منه و لا تكلم عنه في المحاضرات ويقلك هذه كانت اسئلة سهلة جدا انتوا الي مو شادين حيلكم .. !!

طبعا احنا ترم تخرج .. يعني المعدل انتهى امرووو راااااح فيها
تعب 4 سنوات يجي سيد كمال يطيريه وبدون اي احساس بالذنب

حسبي الله ونعم الوكيل فيه .. فوضت امري لله ياخذ لي حقي منوو