اليوم كان اختبار مادة لغات برمجة مع د. كمال خوالدي
اهلين غنى ..
انا كمان مع كمال 
قووولو اميييييييييييييييييييييييييييين
مادة سيئة و دكتور أسوء و الاختبار صعب فوق المتوقع .. اصلا تشكو انكم داخلين اختبار مادة تانية لدرجة اني ادور اسم المادة اتأكد هذه ورقتنا ي جماعة ولا ورقة احد تاني !؟
الصراحه انا زيك شكيت ان الاسئلة لنا وكل ما احل سؤال اقوول لا لا تخافي الا بعده
اكيد اسهل اكيد بحل و امشي و في النهاية توكل على الله وحطيت كدا شختك بختك من كتر مهي صعبه الاسئلة من جد شي مو معقول 
في المحاضرات الشرح في جهة واسئلة الاختبار في جهة تانية أعلا درجة في الشعبة 24 من 30 في الاختبار الدوري وكل الاجابات مبنية على الظن و التخمين وما وافق يصححها معانا كمان
من جد المحاضرات اصلا يجي يشرح كلمتين يانسمعه يا ما نسمعه لان قاعاتهم مررره مهيئة و المشرفات مررره كويسين .. لا قاعة ولا اجهزة عداله ولا مشرفات وكمان ما يرضى يحل الاسئلة ولا يساعد اصلا يتجاهل البنات يعمل نفسه ما يسمع 
ومن ورا الباب يسمع ركزوو و لا شرح زي الناس وعلى كل شي مثال وطبعا غير الاختبار يعني مره الامثلة الا في المحاضرات بسيطه بس في الاختبار تفحيييييييييط
يعني فعلا شي مخجل لما تقولي لدكتور المادة أنا اخدت 21 من 30 في مادتك و يقلك اذن انت مستواكي ممتاز وما تحتاجي مساعدة او رفع درجات هذه وانتي ترم تخرج
مالت عليه وعلى الامتياز دا و مرره قهر لمن يجي واحد بكل بساطه و برود يقولك ممتاز لان مو حاسس قد اي تعبنا و درسنا
والمخجل اكثر اذا طالبتي بحقوقك انك تشوفي ورقتك تعرفي اخطاءك او على الاقل تعرفي اعمال السنة حقتكم كم اخدتي من 60 كلوووو ممنوع وطبعا مراجعة ورقة الفاينل هذه من سابع المستحيلات
دا الترم وراه وراه الشكووووه لاحقته بس ان شاءالله احد يعطينا فيس
ولما كل ترم تتكرر نفس المعاناه مع نفس الدكتور .. عذرا يعني بس واضح العيب من مين
اكيد مو كل الطالبات في كل السنوات هم ناس ما تفهم عشان في كل ترم الدرجات بده المستوى
منجد ماني ظالمته الاسئلة كانت شي أول مرا نشوفه وابدا ما شرح منه و لا تكلم عنه في المحاضرات ويقلك هذه كانت اسئلة سهلة جدا انتوا الي مو شادين حيلكم .. !!
طبعا احنا ترم تخرج .. يعني المعدل انتهى امرووو راااااح فيها
تعب 4 سنوات يجي سيد كمال يطيريه وبدون اي احساس بالذنب
صدقيني نحن الا اعطينا لدي النوعيه من الدكاتره المجال لان كل ترم البنات بياخدو درجات زفت و ما يشتكو ويمشي الوضع عادي وهما لا حسيب و لا رقيب يعني لمن الدكتور يرفع كل البنات و يعطيهم ممتاز يشكو ويحققو ويسالو الدكتور ان كيف و ليش دي الدرجات الممتازة ولمن العكس ما يهتمو من جد نظام ظالم
حسبي الله ونعم الوكيل فيه .. فوضت امري لله ياخذ لي حقي منوو