[أميره القلوب]

المشاركة الأصلية كتبت بواسطة مى جده موضوع روعه مشكور ياصاحب الموضوع انا من جهتى ذكرتي موادي قبل الاختبارات يعني من اول ماقبلوني وبدينا على السنترا ذكرتها اول باول خطتى في الترم الاول ب) تعرفون كلكم مواد خطة ب مادة تفكير مادة ممتع بس يبغا لها حفظ من الجلدة لجلدة والكتاب عبارة عن مذكرة لونه ازرق فاتح بعشرة ريال ابدو ياخطة ا وذكرو ذي المادة لانها تحتاج حفظ من قلب والاسئلة في الاختبار تجي مرة دقيقه يعني ماتتخيلون يجبون من السطور الى في النصف يعني ذكرو واقرو الكتاب كنو انكم تقرون الجريدة بتفاصيل اقرو كل كلمة تحسونها مرة مهمة وطبعنا اسمعو الاستاذة على السنترا وشي هي الاشياء المهمة الى تقولها في شرحها وكانت استاذة مادة التفكير الدكتورة حسناء عبدالسميع كانت ذوق وعسل وان إن شاء الله علامة من فوق التسعين يارب البنات شككوني في سوالين ان إن شاء الله يطلع كلمهم غلطـ ^^ مادة الاتصال كمان مادة حلوة ممتع تتكون من 6 فصول الفصل الاول يتكلم عن مقدمة للمادة نفسها الاتصال وتعريف مهمة جات اغلابها في الاختبار ومرة كان التعريفات دقيقه بالمرة والباب الثاني يتكلم عن مهارات الاستقبال بعد ذكروها ممتع الكلام مافي شي يلغبط الباب الثالث الاتصال غير لفظي والباب الرابع لفظي ذولاء الفصلين يبغا منكم تركزو لانو الكلام متشابهه ويلغبط ركزو مرة على كلام الفصلين والباب الخامس مهارات الحوار احسن باب عندي من وجهه نظري والباب السادس عن مستويات العمل والفاكسات كمان يبغا منك تذكرون الكتاب من الجلدة الى الجلدة والى يوفقكم يارب ^^ بخصوص الاحصاء حذفو لان شويه مو فصول لا دروس من الفصول الاحصاء يبغا لو تركيز وفهم وانا من نظري تقدر تفهمو وانت مركز يعني هو تطبيق على القوانين والكتاب كمان في نظري النظري تعبنى كل شوية احفظو وانس حش مو تعاريف خخخ بس الحمد الله حليت الانجليزي زيكم بالظبط المستوي الاول بيغنر والمنتري ومعنا كلو الا يونت14 من الكتاب الاحمر وانا عندي في الاب توب ملخصات وكل شي الاب توب يبغا ينفجر من التحميل خخخ والملخصات ودنيا في بيتى الله لايوريكم تحسونى بخترع الذرة خخخ بس عس خير واجيب احلا معدل يارب وايش شي تحت امركم ونبغا خطة ا كمان يساعدون ويتكلمون عن المواد بختصر ^^

الله يجزاكى خير بجد كلامى مررره عجبنى
ياليت تعطينى ايميلك ان شاء الله اقدر افيدك بالنسبه خطه أ

بالنسبه للخطه أ
انا من بدايه السنه كنت سويت خطه للنسبه للمنهج وطريقه المذاكره وكنت اعطى كل مادة اسبوع اذاكره فيه ماعدا الرياضيات والانجليزي كنت كل يوم اذاكر فيه شوى الى نهايه الترم لانه يبى له تركيز وفهم مرره
الثقافه كان ماده يبغى لها حفظ ولا تسمع /ـــى كلام احد يقول ذاكرى من الخلاصه او مخلصات الاختبار جانا من الكتاب من وسط السطور بس كان سهل مو صعب

العربي عن نفسى ماذاكرت من الكتاب حصلت مخلص للقاعدات مره حلوه مع شرح العربي لاستاذه ريم الفواز طبعت الاوراق وكنت اسمع الشرح واكتب فى الاشياء المهمه جنب كل درس وطبعت اسئله محلوله لاستاذ كنت مررره مفيده بجد جانى منها كم سؤال ان شاء الله برفعها لكم

الحاسب ذاكرى الكتاب بس فى ناس قول لى اشترى كتاب بنك المعلومات والله انى كتاب بضيع الوقتما انصح احد فيه امسكى الكتاب وذاكرى كل الصور والاجزاء النظريه ترى مره مهمه انا ماذاكرتها وندمت


الرياضيات مهم جدا تحلى كل تمارين بيدك وتحفظى القوانين صح اهم الابواب فى الرياضيات الباب الثالث والرابع فى اشياء محذوفه حملى من موقع الدكتوره سلمى مفردات الباب الاول والثانى يجى فى الاختبار بس يكون اشياء سهله تساعد الطالب او الطالبه ع النجحاح بس الثالث والرابع نص الاختبار منهم

الله يوفقك الجميع