السلامـ عليكمـ
مدري إن كان إختياري للموضوع صح أو لا بالنسبة للبنات
بس بالنسبة لي صح
البركان : د. إقبال الصالح
نوع الحمم البركانية : أسئلة مدري من وين جت
سبب الثوران : الله أعلم
بصراحة ما لقيت غير البركان أشبه فيه دكتورتنا إقبال الصالح
مع إحترامي لها
كانت الأسئلة غير مفهومة بصراحة .. وما قدرت أترجم الأغلب
الصح والغلط كان كارثة .. ما لقيت أي رابط بين أسئلة الصح والغلط وبين الأوراق إلي قالت لنا نذاكر منها
إلي نجى من 20 فقرة صح وغلط 7 مؤكدة
والباقي استخدمت العبارة الشهيرة ( حطي أي شيء وشختك بختك )
أما التعداد جابت 2 ما أدري شلون شافتهم بصراحة
أنا عن نفسي تركت لها التعدادات .. تكتبها بنفسها دامها تقول ( الأسئلة سهلة تنحل بنص ساعة )
أنا ما أعرف على أي أساس يتم تقدير الأستاذ
يكتبون الأسئلة ويقولون تحلونها بنص ساعة وتراها سهلة
ما يدرون بإلي يسهر ما ينام عشان يذاكر
ولا بإلي يشرب دلتين قهوة عشان يصحصح
ولا بإلي يعمل حساب للمادة ويذاكرها ألف مرة
أقولكم وش سويت بعد الاختبار
سلمت ورقتي وأنا أقول حسبي الله ونعم الوكيل .. ربي بيعوضني
مشيت للبوابة وأنا أبكي من القهر على مذاكرتي
وصلت للبيت وأعصابي قربت تنفجر والضحية أكيد بيكونون أهلي 
ياعمرررري
وكتبت هالموضوع وتراني بكامل قواي العقلية
إلي استنتجته إن الدكتورة ما تبي البنات يجيبون درجات عالية بالمادة
على أساس محد يجيب عندها a+ و a بالسااااهل
بعد النصفي الثاني قلت أنا خلاص رح أجيب a+
وبعد ما شفت التقييم على المشاركة و التكليف غسلت ايدي منها وطمعت بالـ a
والحين بعد هالاختبار القنبلة زين إن جبت b
تقبلوا فشة خلقي
وخربشة كيبوردي