[حيــــــاة]

المشاركة الأصلية كتبت بواسطة angleeta السلام عليكم ورحمة الله وبركاته كيفكم جميعا؟ إن شاء الله تمام ههههههه وأخيرا سجلت بالمنتدى من زمان ادخل أتابع بس ع العموم بدخل بالموضوع على طول انا ف البداية سجلت بعزوز عن طريق النت أوك؟ بس نسيت ما أسوي تأكيد الطلب ومافتحت لين ما انتهى التسجيل عشان نتي كان مفصول > تحكي قصة حياتها المهم لما فتحت لقيت كاتبين لقد تم رفض طلبك لعدم تأكيدك للطلب بعدها خليت ابويا يروح ع عمادة قسم الرجال وتسهلت المعاملات وحولوني لقسم الطالبات عشان أتابع المعاملة وكل ما أروح يقولوا لسه ماردوا <تعبت أبوها و ع دا الحال لين ما قالوا هما حيدقوا عليك معاملتك تحولت للرياض ومعرف ايش دا الكلام من شوال المهم رحت آخر ذو القعدة كدا , وحدة شافت معاملتي ودورت ع ملفي وقالت معاملتك مافيها رقم الجوال وعشان كدا مادقوا عليك واخذت رقمي وقالت برسل لهم وسألتني عن نسبتي الموزونه>ماكنت اعرف كيف احسبها قلت لها النسبه ودرجة القدرات والتحصيلي قالت لو نسبتك 90 وفوق اكيد حتنقبلي قلت ولو أقل قالت والله ماعندي علم المهم بعدها بكم اسبوع رحت مالقيت نفس الحرمه كلمت وحده تانية شافت معاملتي وقالت معاملتك مش ماشيه عشان مافيها رقم جوال<حتتجنن وقالت بدق ع الي بالرياض وبعطيهم رقمك وهما يدقوا عليك وللآن مادقوا قولكم رسلت لهم رقمي ولا لأ؟ وكيف اتصرف دحين ؟ في أحد زيي؟ آسفه طولت عليكم

هلا وسهلا
ممم حكايتك طول ما انا هنا ماحد عنده زيها
بس لا تخافي ولا تقلقي ،، قبولك ما بيوقفه رقم جوال
يعني عندهم معلومات ثانيه عنك واسمك ،، يعني اذا جا قبولك وما عرفوا يدقوا عليكي انتي را تكوني راجعتيهم قبل لا يدقوا ،،

بعدين بقولك على شيئ : انا من خريجات قبل العام والعام قدمت وما انقبلت ،، وكانوا يقولوالنا لم يجي القبول راح نتصلكم وجا القبول وما عرفنا الا لم ابو وحدة راجع وجات تقولنا ،، ولا احد شافهم اتصلوا عليه ،،

واذا ربي كاتب لك القبول راح يجيكي يمشي من الرياض وما بيأخره الرقم ،،

لا للقلق ،،
راسلي العميد عشان تطمني اكثر
وبإذن الله يصير خير
بالتوفيق ^ـ^