رد: ► █ الى كل من تخطى مادة البحث والتدريب pad496 تفضل بالدخول █ ►
اشكر صاحب الموضوع وتفاعل الاعضاء
بالنسبه لي
اخذيت الماده عند محمد أسعد
هالدكتور مزاجي وما تعرف له جو
يعني ممكن يرفعك فوق وممكن يخفس فيك
انا بالبداية دقيت على جواله
وقال لي لازم تجي لجده نتقابل واقول لك وش المطلوب
قلت له انا بالرياض وما اقدر اجي عشان دوامي وكذا
قال لي لو انك في بلاد الواق واق تجي جده يعني تجي
رحت حجزت وقدمت اجازة
وقبل رحلتي بيوم قلت ادق عليه اتأكد انه بيكون موجود بكرا او لا
ومتى بيكون موجود بالضبط
رد علي وقلت له بجيك بكرا وكذا
قال يا ابني دام انت مأدب واسلوبك حلو
لا تجي جده
ارسل لي رقم الفاكس حقك عشان ارسل لك وش المطلوب
ارسلت له رقم الفاكس وسحب علي
ما ارسل لي شئ
قلت ياولد لا يكون نساني خلني بس اطير لجده دامي اخذيت اجازة وعندي حجز
المهم جيته بمكتبه واستقبلني استقبال حلو ورفع فيني فوق السماء
وقال لي ليش تجي انا كنت برسلها لك بالفاكس<<< اقول لكم مزاجي
قلت لا اهم شي كسبنا شوفتك ومن هالكلام
قال لي وين تشتغل قلت له كذا وكذا
قال سوي لي بحث عنها بخمسة عشر ورقه بس
وجيبه لي قبل الاختبارات
قلت له يادكتور ما اقدر اجي جده قبل الاختبار قال مو مشكله متى ما جيت
المهم خمبط على طريق الملك عببد الله بتقاطع التخصصي
عند خدمات الطالب واقابل ابو مصير
وادفه بخمسمية ريال
ويضبط بحثي
وتغليف واهداء ومن هالكلام
ويوم جت الاختبارات رحت لمكتب الدكتور ما لقيته
دقيت على جواله وقلت له بسلم لك البحث
قال بدري الناس من زمان مسلمين
المهم بعد شد وجذب وتقفيل للجوال بوجهي
دق علي وقال لي سلم البحث عند السكرتاريه واقضب الباب
وعطاني درجه 72
بالعلم ان الدكتور ما يتعامل بالايميل بالفاكس والجوال فقط
هذي تجربتي اتمنى افدتكم
|