[الســــاامر]

المشاركة الأصلية كتبت بواسطة شخص مستهدف سهل جدا وعدد الساعات قليل ضيف ie201 ومعمل كيمياء 281 وتصير ١٥ / ١٦ ساعة انت ايش ناوي تتخصص ان شاء الله ؟

والله يالغالي ما ذبحنا الا " هذا سهل "

يجيك الواحد منّا مطفّي النور ويخمّ في ذا المواد

واذا حسّ ان الامور بدأت تفلت منه في نص الترم بدأ يتحسّر ليتني ما أضفت وليتني ما فعلت مثل الترم الاول عندي وبكل صراحة دخلت ما اعرف عن طبيعة المواد وأضيف في هالمواد لكن في النهاية انضغطت ضغط يارجال كل من شافني قال الله يخلف عليك لكن الحمد لله ان نحن طلعنا سالمين .

اقتراحك في محلّه وباذن الله اني أبنزّل معمل الكيمياء لكن الـ ie201 والفيزياء 202 أبخليها بعد ما أتخصص

واما عن التخصص فوالله باقي ما استقريت على شي الا اني أميل ناحية المدنية شوي وعسى الله يكتب اللي فيه الخير لنا .

ألف شكر لك يالغالي

وعساك ع القوة

المشاركة الأصلية كتبت بواسطة tcheco اهلا بالسامر .. جدولك خفيف جدا .. ارى ان تظيف معمل كيماء وتبقي على الماث 204 وبكذا 12 ساعة .. اتوقع انك بتاخذ صيفي .. المهم خذ الفيزياء الصيف اذا تغير المنسق .. او خذلك ماث 203 اذا ما تغير طبعا مع ثقافة ... فالك التوفيق.. تقديري..

المهلّي ما يولّي حياك يالغالي منوّر بارك الله فيك

باذن الله ان هذا اللي بأسويه أبضيف معمل الكيمياء وبأفاضل بين ماث 204 وفيزياء 202 ولو إني أميل ناحية الماث 204 خصوصا ان الفيزياء وضعها ما يطمّن حاليا .

واما عن الصيف فهذي الفكرة مستبعدة من قواميسي الان , الصيفي أفكّر فيه باذن الله في آخر سنتين ان أعطانا الله عمر .

عموما أشكر لك اقتراحك ورأيك

وبالتوفيق لك يالغالي

المشاركة الأصلية كتبت بواسطة sa@am انا من راي انك تحذف البرمجة وتخلي الفيزياء والرياضيات بالاضافة للاقتصاد والعربي وللمعلومية يمديك توفر ايام اوفف في هدا الجدول لاني كان عندي نفس الجدول العام الماضي وكان عندي احد وتلوت اوف وكان متوسط ولازم طبعا تشد حيلك في المواد واتمنى انك تتقبل راي وشكرا

رأيك واقتراحك على عيني وراسي

ولكن أعتقد انها صعبة شوي ماث وفيزياء مع بعض هي ليست مستحيلة لكن مثل ما تعرف نحن باقي في البداية ونحاول نحافظ على المعدل على ما هو عليه .

عموما باذن الله راح أخذ رأيك في عين الاعتبار

وموفق يالغالي

المشاركة الأصلية كتبت بواسطة طلاع الثنايا جدولك حلو ومرتب انا اشوف انك تاخذ الماث 204 لانها متصلة ٢٠٢ والفيزيا دفها للصيف اقترح عليك معمل كيمياء لموازنة جدولك وبالصيف إن شاء الله فيزيا وثقافة وفالك التوفيق :)

هذا اللي بيصير ان شاء الله راح آخذ معمل الكيمياء وماث 204

والفيزياء ان شاء الله السنة الجاية ما بها ولا صيفي .

يعطيك العافية يالغالي على اقتراحاتك

كل التقدير لشخصك الكريم

وعساك ع القوة ان شاء الله