[فندام]

بالنسبة لمادة التمويل والاستثمار الوضع تغير لانو الدكتور زكريا فريد ترك الجامعة والله أعلم مين حيجي مكانه وعموما الدكتور محمود الزيود حيد جدا وانصح طلاب الدفعة السابعة بأنهم ياخدو مادة التمويل والاستثمار معاه
وبالنسبة لمادة المالية المتقدمة في احتمال انو ينضم الدكتور تركي بقشان للأساتذة الي حيعطو هدي المادة وحسب رايي المتواضع الأساتذه الجيدين بمواد الفصل الثاني هم كالتالي :

بالنسبة لمادة المحاسبة الحكومية الأفضل هو الدكتور طلال سجيني ونصيحة تجنبو الدكتور عبدالله يماني لانو درجات طلاب الدفعة السادسة الي اخدو المادة معاه كانت سيئة جدا واغلبهم كانت درجاتهم بين 70 و75 فالدكتور طلال سجيني هو الأفضل بين اساتذة المادة الثلاثة حسب رايي الدكتور سجيني الطالب يتعب معاه بس بالاخير ياخد درجة حلوة معاه اهم شي انو يعرف الطالب وان يكون الطالب مشارك فعال وينفد تعليماته بدقة وحرص

بالنسبة لمادة المحاسبة المالية المتقدمة أنصحكم بتجنب الدكتور عبداللطيف باشيخ لأنو صراحة غير متمكن من المادة وعانينا معاه كثير العام الماضي وهدي المادة دسمة وفيها كم كبير من المعلومات الهامة والدكتور باشيخ فوق انو مو متمكن من المادة كما ينبغي كان ايضا بخيل جدا في الدرجات وما زاد اي طالب درجة وحدة يعني حق الناس للناس وبالملي بعكس الدكتور عبدالعال ابو خشبة الي كان سخي جدا بالدرجات مع الكل فالدكتور باشيخ يتعب معاه الطالب ويبدل جهد مضاعف لانو غير متمكن من المادة وبالنهاية تكون الدرجات دون المستوى المامول الي يتناسب مع الجهد الي بذله الطالب وعشان كدا بالنسبة للمادة هدي انصحكم بالدكتور عبدالعال لانو الدكتور عبدالعال تتعب معاه نعم لكن بالنهاية تاخد درجة عالية بالمادة ولو حصل وانضم الدكتور تركي بقشان للأساتذه الي حيعطو المادة برضو لاتفوتوه لانو جدا متمكن من المادة ويعرف يوصل المعلومة والدرجات عادة تكون عاليه عنده مثل الدكتور عبدالعال

بالنسبة لمادة المحاسبة الادارية انصحكم بالدكتور جمال عبدالحميد لانو هو الافضل لانو متمكن من المادة وكمان الدرجات عنده تكون مرتفعة وبالنسبة للدكتور مجبور يعطي درجات عالية واسئلته ماتتغيير نفس اسئلة الاختبارات السابقة لكن صراحة مايشرح ولا يعرف يوصل المعلومة بشكل جيد والدكتور عبداللطيف فرحات على النقيض من دلك يشرح ويوصل المعلومة بشكل جيد لكن الي تجيبه تاخده مايزود احد ولا درجة فالافضل هو الدكتور جمال عبدالحميد

بالنسبة لمادة التمويل والاستثمار انا قدر اشرت ببداية كلامي انو الدكتور محمود الزيود جيد لأانو مايجيب تركات بالاختبارات نفس الي يعطيه بالمحاضرة هو الي يجيبه بالاختبار وحتى لو جاب اي ترك بيكون معقول وماعليه درجة عالية اضافة الى انو يساعد الطلاب بالدرجات عند اعتماد الدرجة النهائية للمادة فانصح طلاب الدفعة السابعة بانهم ياخدو المادة معاه

هدا هو كل الي عندي بخصوص افضل الاساتدة بالنسبة لمواد الفصل الثاني واتمنى من الزملاء بالدفعة السادسة ادا كان لاي منهم اضافة او تعديل او وجهو نظر اخرى انو مايبخل علينا برايه حتى تتحقق الفائدة المرجوة من طرح الموضوع
وبالتوفيق للجميع