[‘مـُـٍـُـٍرقآآآآب‘]

المشاركة الأصلية كتبت بواسطة تلميذ منتسب 8 ومن تلك التجاوزات واللغط والكذب والتجرأ على الغير والاستفزاز بحديث لا يليق

بسم الله الرحمن الرحيم ....

اما وانه قد حصل مااراده المدعو ( تلميذ منتسب ) واستفز غيره بطريقة غير مباشرة لحصول هدفه المنشود في تحقيق النصر الشخصي المزيف ووضعي في موضع الهارب المبتعد الذي لايقوى على الإتيان بما يدعم ماذكر ..وهذا غير صحيح اطلاقا ..فلو اني عرضت الموضوع على من هو دون المستوى الجامعي لعرف كل مااقصد ...


ولم اكن لاكترث له ولنقاشه الذي بدأ ينحدر تدريجيا منذ ان رأى انه لايقوى على رد الحجة بالحجة ..وبدأ يتكلم بحديث يبين للعاقل اهلية هذا الشخص للنقاش الفكري المتشدق دائما بازمة الفكر التي هو ااثمن صيدها ...وعلم في قرارة نفسه ان الحق منتصر بإذن الله ... ولكن لأنه قد بدأت تتحقق له مطالبه ...ولأنه استهان بعقلية الجميع بالصيد في الماء العكر وتاويله الى غير مغزاه... ولانه يخالف لمجرد الخلاف ...ولانه قد تحقق له مااراد من تغيير منحى الموضوع كان لزاما علينا ان نضعه في مكانه الصحيح ...


وهو يعلم اننا قد وضحنا كل شاردة وورادة في هذا الموضوع واننا لا نلقي التهم جزافا ...ولكنه يريد ان نتكلم باسلوب عام صريح ..ولايريد ان يُنزل في منزلة العقلاء النجباء... الذين يفهمون كل عابرة ...


وله غايات اخرى سوف تعرا باذن الله في هذا الرد تعرية كاملة..لانه قد اقتحم الخصوصيات ...واراد تاليب الراي وايهام القاريء البسيط بامور سوف تتضح الآن ...

واسال الله ان يغفر لي ماانا بصدد فعله الان .. ولكن درءا للمفاسد سوف نبين كل شي تبيينا كاملا لايدع مجالا للشك فيه ... وارجو ان تسامحني نفسي وان تسامحوني ادارة واعضاء وزوار الى النزول لمستواه ..ولكن قد يبتلى الإنسان بمسببات تجعله يفعل شيئا خاطئا في مطلقه ولكنه صحيحا لغايته ...


لنبدا بالحديث اليه ..والنزول لساحته العفنة ..



والحين لاني عرفت منزلتك الفكرية وعرفت وين منزلتك العلمية فحرام اني استخدم الكلمات البلاغية للي مثلك ...
بداية :: انت مااظنك الا من هالفريق اللي مانكب البلد غيره ...
واحييك صراحة لانك فنان باللغة العربية الفصحى وبالعامية بعد ..







وهالفريق منتشر في كل مكان حتى لدرجة اني احس اني لو ارفع المخدة لالقاك منسدح تحتها ...

بس مانقدر نقول الا ابداع يااخ العرب...

اول شي تعال هنا << لاحظ اني في وضع اللي ماسك عصاته وبيمغط فيك بيمغط فيك الين يطلع مصارين كبدك ...لجل تبطل هالعادة

الحين يومنك اخذت جزء بسيط من الموضوع وتركته كله اماتستحي يالبى انت ...المهم هذي وعديناها لك قلنا ماعليه وقته ثمين الرجال ووراه عماير وتجارة وشغله لخشمه^_^
...وجيت اتكلم معنا عن الخلاف بدون ماتدخل في هالموضوع مدخل صحيح وكانك تبي تفضفض لي عن اللي صاير معاك قبل انتسابي للمنتدى ... وانهم كلهم ضدك ولسان حالك يقول لواحد منهم خله مستور ( ياقاسي) لانه حشرك مرات عديدة حشرا مؤزرا ..

وحاولت معي اني اواسيك بطريقة غير مباشرة واقولهم ياجماعة ترى الرجال حبيب لاتزعلونه ...
مشيناها لك ...ثم جبتلنا مثال عن الخلاف المسوغ وانا اتكلم معاك عن قضية امة عن شريعة عن امور ثابتة ومشيناها....ثم جبت المطمة وتكلمت عن عقيدة الولاء والبراء ...وتبي تحولنا للتكفيريين والارهاب ومشتقاته اللعينة ...

فهمنا انك على ماقالوا منت مضبوط ...وانك واحد من الثلاث يامطبل يادبيبيس صغير يامتازم فكريا ...وسبحان ربي طلعت 3*1 ...

وهذا الشي بدا ينكشفلنا من عدة نقاط :

نبدأ بواحد : المطبل الاعوج

1-
فليتك تراجع ماقلته بموضوعك فهو خطير جدا واعتقد ان ليس لديك دليل على صحة ماتقول او انك تبني كلامك على ظنون او نقلا عن غيرك وذلك فيما يتعلق باقوال البعض الذين ذكرتهم انت بموضوعك وتعرضهم للثوابت واقصد بالتحديد من تقول عنهم مسؤولين ولهم صفة رسميه


يقول بعض المسؤولين المحسوبين على بلادنا انه للحاق بالركب يجب علينا تطبيق الأنظمة الارضية المستحدثة ..وترك الادلة الالهية المرشدة ..!!

وبنرجع لتفصيلها بعد شوي خلك معي ياقليبي ..


2-

لا لم يقودوا شئ ولم يستطيعوا ذلك واختلف معك هنا والافضل ان تتحدث عن نفسك لا ان تطلق العنان لقلمك بالحديث عن غيرك

من قصدتهم بحديثي ليس لهم صفة رسميه او مسؤوليه وانما هم خفافيش انترنت تجدهم منتشرين في المنتديات وتحت اسماء مستعاره

وهذا بانكار تسيير الصحافة وغيرها اللي لهم الجزء الاكبر في تغيير افكار الشخص وانها تنشر اخبار تدليسية محاربة للهيئة واهل الصلاح والمشايخ ..وقدرت تغير افكار كثيرين حولهم ...

3-
لو اثبت على اي شخص ان يتعدى على ثوابت الدين فهنا ينتقل الامر الى رفع الدعاوى وقضايا ومعاقبة من يثبت عليه ذلك


وين معاقبة نادين البدير يومنها تجرأت بمقال انا وازواجي الاربع وكلامها عن رجالات الامر بالمعروف ونعتهم بابشع الصفات ...
وانظمة الحصانة للوزراء وغيرهم التي لاتخول اي شخص بمقاضاتهم ..!!!
وخاشقجي وتعديه على العلماء ... والكثير من الكتاب اللي يبيلهم جلد وغيره وغيره كثير ... والا تبي تحسسنا انا بمجتمع ملائكي مايخطون مسؤوليه ..!!!! سلاماااااااات ترى الخطأ ماينقص من شانهم ..فخل عنك اللي تسويه

4-
ولك ان تعترض على من تقرأ له انه تجاوز الحد بنظرك ولك ان تقاضيه ان شئت ولن يمنعك احد

ياكثرهم تجاوزوا الحد غير اللي نقرالهم من ناحية ظلم وغيره .. منهم اللي نشوفهم فالتلفزيون لكن على سالفة الاعتراض :
اجل الابواب المفتوحة هاه .^_^
يااخي والله اننا ندري ان حكامنا يبون يسمعون هم كل مواطن وييسرونله رفاهية العيش ..وياخذون حقه....لكن لاتطبلهم وتقول نقدر نجيهم لان اللي تحتهم ماخلوا لاحد درب ولازم يعرفون ان الوصول لهم صعب ويشوفون حل في سبب هالشي ..ولنا في المعاريض والمواعيد والمماطلة وغيره الكثير حتى توصل قضيتك ...

يااخ العرب ابو بكر الصديق اللي افضل منك ومني ومن كل حكام العرب والمسلمين يقول في خطبته الشهيرة :
(أما بعد أيها الناس فإني قد وليت عليكم ولست بخيركم، فإن أحسنت فأعينوني، وإن أسأت فقوموني،)
تراه ماقال طبلولي اذا اخطيت ولا عصم نفسه عن الخطا ..فمابالك بمسؤولين البلد سواء من الملك الى الامراء الى الوزراء الى القضاة حفظهم الله وابعدهم عن الضلال وبين لهم الحق ويسر لهم البطانة الصالحة اللي تعينهم على الخير ماهو تطبلهم مثلك ...



لنجي عاد هنا الفلم الي ماامل من متابعة اخراجه :
الدبيبيس الصغير :

كيف انك بقدرة قادر تبي تسحبني لمواضيع الولاء والبراء والجهاد والتكفير وغيرها وكاني ياسويد الوجه من المطلوبين ال85 ..!!!
فوالله لاانت ولامليون مثلك يحملون الولاء اللي نحمله انا ومثلي لحكامنا ووطنا ..ونقدنا يكون امل في رفعة البلد ..وحبا في حكامنا ووطنا ..لكن انت وطقتك كل همكم تلميع الجزم ...
نبدا مع احداث الفلم ذا ومن وين بدأ:

1- فما بالنا الان نرى من البعض من يقيم عقيده الولاء والبراء في مسائل اقل شأنا من المسألة التي ذكرتها

لا ومختار عمق الجرة .. يعني مالقيت الا الولاء والبراء ياقليبي انت ماجا في بالك غيرها ...لييييييييه ياخيي ؟! دنتا هاااايل

2


2- حاول ان تكون مصادرك رسميه فهو افضل لك ولتبتعد عن الصحف الالكترونيه عند التطرق لموضوع مثل هذا الموضوع



بس بالله وش رايكم فيه وهو حاط خط تحت التطرق لمثل هالمواضيع ..!!^_^
يبي يحسس من وراه ان الموضوع في شي ماهو مضبوط واني ناويلي على نية !! الله يخيب سعيك ..



3- وتدراك الوضع يكون وفق ومنهج سليم وليس كما قرأت بموضوعك مع الاسف !



اجل ليس كما قرأت بموضوعي مع الاسف هاه ..وحنا ماقلنا كيف يكون التدارك ...!
وش قريت لايكون السؤال اللي صمختنا ب وجاوبناك لين طفشنا بس ماتبي تفهم ..

يعني اللي تبي تسوي انك المحب للبلد وغيرك ماتهمه مصلحة البلد .!.!.! مانكبنا غير انت واللي مثلك ..




4- كمن ينادي بالجهاد واقامه الجهاد في الوضع الحالي وهو الضعف لان للضعف فقهه واولوياته

واين تطبيق الايه الكريمه التي تقول

( واعدوا لهم مااستطعتم من قوة ومن رباط الخيل )


وليتق الله من يريد ان يذهب بشباب المسلمين الى محرقه بدعوى الجهاد الذي لاانكره وانما ينبغي قبل الذهاب للجهاد ان يكون هناك إعداد له كما ورد بالايه الكريمه لا ان نأتي ونهيج الشباب ونستثير عواطفهم من خلال الخطب والكلام الانشائي وبدون اعداد علمي وعملي له بالاضافة الى معرفه من له الحق في رفع راية الجهاد واقامته

انتم شايفين اللي انا شايف ولالا ...!
وش جاب سالفة الجهاد ... يعني بمجرد مانذكر كلمة جهاد في حديث استدلينابه لشي ثاني تقوم تجيبلي معروض عنه ..!!
ولا جاء في بالك عن طريق ثاني ^_^



5- نعم ارى ذلك وليس هناك عجب في الامر الاّ لمن هم على شاكلتك ومن يتفق معك

فأنا ولله الحمد في بلاد تحكم بكتاب الله وسنه رسوله عليه الصلاة والسلام


شايفين كيف الاسقاط بس ..!!
ولا بعدين استغل ردي على الجملة ذي استغلال ماادري وش يبي فيه لكن بنوضح باذن الله كل شي في مكانه ... وراك وراك ياقليبي ...



6- هل هناك من يقول اتركوا الادله الالهيه هكذا كما تفضلت انت وبصريح العبارة

طيب قول لنا من هو وياليتك تجاوب

ورجع بعدين وقال

طيب قل لنا من هو وياليتك تجاوب ولا تخاف في الله لومة لائم كما تقول

اتمنى ان تكون اجابه صريحه وبعيده عن اللف والدوران



وقعد يدندن على هالسؤال اللي جاوبناه وبنجي لجوابه باسلوب مناسب لعقليته ...

احب اهنيك صراحة على هالفلم اللي حاولت تحبكه وتشكشك العالم في نيتي وانتمائي .. لكن منت جايب المطمة الا لنفسك ..

انا مسلم عربي سعودي افتخر بوطني وحكامي وولائي للدين ثم للوطن ثم للملك ...


اما الفقرة الاخيرة وهي ( الغير متعلم ويدعي العلم ) وهذي الفقرة دسمة بالحيل :




1- اذا دعوت الله عز وجل فكن على ثقه بمن تدعوه

ادعوا الله وانتم موقنون بالاجابه

والا مافائدة دعائك اذن ؟

ووضحت له اكثر من مرة ان جملته هذه جات على سياق التجرا على الله لكن حاول كذا مرة ان يتحاشى الحجج ويذهب بعيد وتم حشره حشرا مؤزرا ولله الحمد الى ان تركها وركز على سؤاله الخنفشاري..^_^




2- ام انك تقصد اناس لا ناقه لهم ولاجمل ويهذون بما لايعرفون قد اشغلوك واستحوذوا على تفكيرك

" ان هذا العلم دين فانظروا عمن تأخذون دينكم "


عندما ظن ان انشغالي باشخاص وليس بافكار.... هذا وانا موضح السالفة من طقطق للسلام عليكم فالموضوع ان السالفة فكر ماهي اشخاص لكن وش نقول غير (الله يعين لطيف على لطيفة )



3- الان لو غير شيخ او عالم في زمننا هذا كلامه عن كلام سابق له فلربما قيل فيه وفيه وانه وانه وسق على ذلك من الاتهامات وسوء الظن به

وكانه ماشاف فتاوي التلفزيون والراديو زمان وكيف انهم غيروا اقوالهم وكيف عايض القرني وسلمان العودة غيروا اقولهم وحتى توجهاتهم والى الان وهم يؤخذ بارائهم وكلامهم ورؤواهم ...





4- عندما قلت له بعد رده الاول :
واراك يااخي تحدثنا عن جزء من السفينة واحدثك عن مجملها وهذا نوع من التقسيم الذي ماانزل الله به من سلطان ..!

ورد ووتكلم عن سالفة الليبراليين وغيرهم
واما عن قصدي فاسالوا دارس يعلمكم ^_^
بس لجل تعرفون عمى البصيرة عند المذكور


ليس تقسيم فانا لم اقم بتقسيم وانما قلت لك ان هذه مسميات موجودة نقرأها في المنتديات وبعض المقالات

5-

وهذا الظن فيك ولكن قد يخون التعبير صاحبه

فلو اني قلت بإذن الله ان الاخ مرقاب سيتجه نحو الرياده والقمه ثم سألت الله ان يكون اتجاه الاخ مرقاب للرياده والقمه ثم قلت بعدها ولكنني لا ارى ان الاخ مرقاب سيتجه للرياده في الوقت الحالي على اقل تقدير

ماذا ستقول عني او ماذا سيقول القارئ عني عندما يراني اكتب هذا الكلام

كيف انه غير مقولتي في كلمة متجه وخلاها سيتجه وكيف جاب مثال اعوج وغير فيه الكثير ...
وكيف يحاول يقنع القاريء البسيط بحجته اللي بتعبير اصح مال امها داعي .!!!!



5-
لي الظاهر من قولك والله يتولى السرائر

مع انه نبش فالسراير كثير لكن المهم من رده هذا اني قلتله ( فند ردي بطريقة صحيحة وسليمة المغزى ) وجاب ذا الرد ..!!!
بمعنى ثاني يبي يتخارج ..^_^



6-
في العصر النبوي كان هناك منافقين في المدينه ومع ذلك كان المسلمون ينتصرون ولم نسمع ان احدا قال كيف ننتصر والمنافقين موجودين بالمدينه والرسول يعلم بهم والله عز وجل قد اطلع رسوله عليهم

وشوفوا ردي عليه وتعرفون وين الازمة في ذا المثال
واللي اعجبني بعد هالجملة انه قال انها ازمة فكر .. أي والله انها ازمة فكر



7- :
وتدراك الوضع يكون وفق ومنهج سليم وليس كما قرأت بموضوعك مع الاسف !


انا قاعد اطرح تسؤلات وافند واقع وهو يقول اني قاعد اطرح حلول ..!!!!!


8- عاد هنا ماهو ازمة الا قنبلة نووية


يااخي الكريم قلنا لك من باب الاستفهام وقلنا لك انه استفهام منطقي

لديك استخدام للالفاظ في غير محله وهو كما قلت لك ليس من الحصافه !

واتينا وجزمنا لك بعد ذلك انه لا يجروء احد على التدخل في ذلك ثم تأتي وتقول تبرير

وبعدين انا لم اقل لا فائده كما تدعي ولكن قلت ما الفائده وختمت كلامي بأنه استفهام منطقي

الملائكة عندما قالت لله عز وجل ( أتجعل فيها من يفسد فيها )

هل كان هذا على سبيل الاعتراض والعياذ بالله

يااخي افهم الكلام الله يرحم والديك

ترى والله ماني معصب :)

من اول كلمة الى اخر كلمة دمار شامل من بداية مابدا يتهرب مرورا بقوله انه مااحد يجرؤ وهو اللي تجرؤ بسواله اللي ماله داعي مرورا بمحاولة الهروب الاخرى مرورا بمثاله الواهي وختاما بخروجه من الناحية الادبية الى العامية بعد ان انضغط وماينلام
..!!!وارجعوا لردي تعرفون وين الازمة ..!!!



9-
ولا تأتي لي بحديث وتقول لي خرائط وتضاريس وسفن

حسستني اني جالس اتكلم مع ارسطو :)

وش نسويله ذا ..!!! حتى الرموز الدلالية مايفهم فيها ...!!


10-:عندما قلت انا
فقد كان المنافقون قلة في زمنهم عكس ماهو حاصل معنا ..فهذه المقارنة لاتصح ولا تؤخذ من ذا لب سليم ..!


وقال بعدها
تذكرت حديث من قال هلك الناس فهو اهلكهم

كلامك فيه نبره عاليه من التشاؤم وهذا شأنك بس اذا اردت الحديث للناس فالافضل ان تبث فيهم التفائل رغم وجود المحن والمصاعب

شوي وتقوم تلطم


اقوله ان المنافقين قلة يقول تشاؤم ...!! ياخي الرسول صلى الله عليه وسلم يقول في معنى الحديث ( لاياتي عليكم زمان الا والذي بعده شر منه )
فمابالك بازمنة بيننا وبينهم ..هذا وهو واضح الفرررررق ثم تقول تشاؤم لا اقولك مجتمعنا ملائكي وماكاننا عايشين الا بين الصحابة والتابعين ..!!!
نذكرله وقائع يقول تشاؤم ..!!!!

يكفي كذا ولا ترى بقي الكثيييييييييييييييييييييييييييييييييير مما لاحظناه نحن رعانا الله على المذكور ..!

ورب البيت تعبت انت يبيلك مجلدااااااات تفند تشابك الاسلاك اللي في راسك وان المخيخ نزل على البنكرياس والكبد شبك مع الدماغ وحالتك حالة ... بس اللي يبي يشوف اكثر من ذا الفلم يرجع للردود ..!!


الحين نجي عاد للصيد فالماء العكر والتاويلات والتنقيص بقصد التغيير وناخذ اهمها :

نعم ارى ذلك وليس هناك عجب في الامر الاّ لمن هم على شاكلتك ومن يتفق معك

فأنا ولله الحمد في بلاد تحكم بكتاب الله وسنه رسوله عليه الصلاة والسلام


نعم نعم ...جميل جميل ... كالعادة وطبل المطبل تطبيلا ..فوالله لم نضعف الا بمثل هذه المعتقدات والافكار ...
ووهل انا ومن على شاكلتي الذين اسال الله ان يجعلهم من الطيبين الطاهرين من الفاتيكان ..!!!

وهل علماء هذا البلد عندما يقولون ان هذا البلاد حفظها الله ورعاها تحكم بكتاب الله وسنه رسوله من المطبلين !!!!!!!!

الله المستعان من رويبضه هذا الزمان !


شايفين السطر الاول من كلامه الاول يوم قلتله (عجبي اترى هذا ) على سالفة انه يقول اننا نقدر نرفع دعاوي على كل من نبغى ...
على هذا الكلام بالضبط انا قلت وطبل المطبل المطبل تطبيلا ..شوف كيف أولها وخرجها عن المسار ...! هذا وانا حاط كل جملة في سطر واستخدمها على ان قصدي التعدي على العلماء والعياذ بالله بحديث عاااااااطفي وكانه هو المنقذ من الضلال ..!!!!!
ولا ومدعم كلامه بجملة مقنعه ( الله المستعان من رويبضة هذا الزمان)
يحسب العالم ماتشوف وبتقوله أي والله انك صادق


2- سالفة حرب التتار يوم قلتله احسب ضحايا حرب تتار وضحايا الحرب اللي على الاسلام من مية وخمسين سنة وشوف الفرق ...قام حسبلي ضحايا الاولى وترك الثانية ..!!!
انا بقوم بذا الشي عنه :: بحسبة بسيطة مختصرة ::

حرب التتار مدتها ست سنوات وحصل فيه امور شنيعة ومن ابشع السنين على المسلمين .. لكن لاتقارن بهذه الفترة الاخير المئوية
اولا : ضحايا فلسطين لوحدها من عام 48 الى اليوم اكثر من 3 مليون شخص غير النازحين الى البلدان المجاورة ...
ثانيا العراق قتل فيه ابان الحرب الامريكية مايقارب المليون شخص ..
افغانستان في الحرب الروسية قتال فيها مئات الالاف
وفي الحرب الامريكية تجاوز القتل حاجز الميتين الف قتيل
الشيشان وكووسوفو تجاوز عدد القتلى 400 الف
الاستعمار البريطاني على البلدان العربية قتل الملايين واغتصب الالاف من النساء وهدم الكثير من المساجد ...
الثورات العربية الاخيرة قتل فيها جميعها مايقارب المئة الف شخص
وفي سوريا لوحدها عندما تسمع القصص وترى الصور والمقاطع يشيب راسك من هول مايحصل فيها ...
هذا بدون ان نتطرق الى الهجوم الفكري الغربي الذي غير لبنة المجتمعات الاسلامية والهجوم الاقتصادي الذي لم يجعلنا ننفك حتى من الدولار ومحاولة تطبيق نظام الراسمالية لدينا ...والهجوم الديني الذي تغلغل في عقائدنا ..وغيره وغيره الكثير


اااخ ياقلبي ومن يبي يشوف تاويلات اكثر يرجع للردود ويشوف اللي يشيبله الراس ...
بس نكتفي بذا لانه قهرني به لكن وش نسوي ..!!!



الحين نجي لسؤال الخنفشاري ::
اللي استغرب فيه ان فيه بعض الامور تطبق فيها انظمة وضعية ينادى لها وماتطبق فيه الشريعة ...
وجاوبته برمز دلالي على سجناء الراي لكن مايبي يفهم وش نسويله نرجع نفصله ..
الحين يوم ينسجن شخص مثل سليمان الدويش ويوسف الاحمد وغيره الكثير ولايعرف بامرهم شيء هذا من الشريعة في شي ..!!!
ويوم ينسجن خالد الراشد وينحكم 15 سنة 5 منها على انها دافع عن الرسول صلى الله عليه وسلم و10 منها على انه رادد القاضي ..!!!!
واعتقد ان هذا كل العالم متفقين عليه من علماء ودعاة وشيوخ وتكلموا عنه كثير .. منهم الشيخ ناصر العمر ...
واللي تعرضله محسن العواجي في السجن هذا من الشريعة في شي .!!!وروح لليوتيوب وشوف كلامه واللي حصل له ..!!

ان يؤخذ الشخص من بيته ويرمى بالسجن لاشهر بدون محد يدري عنه ويعذب هل هذا من الشريعة في شي ..!!
وكل هذا لماذا ..!!!!بعضها كلمة حق وامر بمعروف

ياخي حتى اللي والعياذ بالله خرج على البلاد يجب ان يحاكم بالشريعة ولايفعل به هذا فمابالك بمن يحب هذه البلاد ويتمنى لها الخير ...

لنذهب الى نقطة ثانية المخصصات الاميرية وغيرها هل هذه من الشريعة في شي ...!!! يااخي ابو بكر الصديق صرف له عمر بن الخطاب وابو عبيدة وكبار الصحابة مخصصا ماليا من بيت مال المسلمين ومن يعولهم عندما رأوه ذاهبا الى السوق يتاجر وهو امير المؤمنين ...!!!
ولك في قصة رداء عمر بن الخطاب الشهيرة عبرة ..

ولنذهب الى الاراضي البيضاء التي بعض من ملاكها يملك ملايين الكيلومترات ..!! من اين له هذا وهل هو من الشريعة في شي ..!!!

واحتفالات راس السنة التي تقام في الرياض ويمنع من ينكر عليها هل هي من الشريعة في شي .!.!!
وتقصير دور الهيئة الشرعي اللي هو اكبر مما تقوم به في امور اعتيادية وتضييق الخناق عليها هل هو من الشريعة في شي ...!!
هل قائمة البطالة الكبيرة في البلد مع وجود التغطية المالية لتوظيفهم جميعا ومع ذلك لم يتم هل و من الشريعة في شيء..!!!!!
هل وهل وهل وهل وهل وهل .......

او انها كلها تطبيق لقوانين وضعية لضمان امور شخصية للبعض ..!!!!


يااخي بطل تدليس وتطبيل وكذب ..
يااخي العلماء يعارضون ذلك تجي تقول نطبق الشريعة في كل شي ..!!!!!

والله ان ولائنا لحكامنا ووطنا اكثر مليون مرة منك ومن اللي مثلك ...
وحبنا لهم ولوطننا هو مايجعلنا ننقد هذه الامور حتى يتم تدارك الامر قبل استغلاله من ذوي النفوس الضعيفة

ووالله مانكب البلد الا اللي مثلك اللي لاقال المسؤول كيف حال الشعب قال بخييييييييييييييييييير ريح ياطويل العمر..!!

وانا عارف انك بترجع وبتبربر كالعادة وبتخبط لكن على ماقالوا (مع نفسسسسك) وفي مقولة اخرى (الفقه) لان ماعاد باقي لك شي تجي تخمه وتم تعريتك قدام الخلق ....
ومانقول بعد ان تم وضع المذكور في متر في متر حتى يعرف لماذا نترفع عن الردود عليه الا


( سبحانك اللهم وبحمدك اشهد ان لااله الا انت استغفرك واتوب اليك )