[إحسـ رسامه ـاس]

احد(ن) اذا غاب جرح الحب في غيابه
واحد(ن) جروحه تجيك معانقه حبه

منهو يقول الجروح جروح تتشابه
جرح(ن) قويته وجرح ابطيت في طبه

يامن ذبحني واموت بريحة ترابه
ياما عطيته وهو ماخاف من ربه

شرعت بيبان قلبي ولافتح بابه
ياكثر ماهو مزعلني بلا سبه

ايه اعشقه وأبغضه واموت واحيابه
واشتاقله واقطعه واغليه واسبه

والله والله مابه شي ماهابه
لصرت في بحر حبه والمدى غبه

ياسيدي والجفا .. لـ.. كشر بنابه
شمع المواصل دخيل محبتك شبه

لصرت اقرب قريب إلك فانا اولابه
صب الغلا في خفوق معذبك صبه

يامن جروحك وقلبي كأنها ذيابه
جرح (ن) قويته وجرح ابطيت في طبه
..
تأسرنيـ..
للشاعر المبدع حمد السعيد

إحسـ رسامه ـاس ..