رد: رأي حول عمل المرأة
’،
عمل المرأه بالنسبة لي شيء مُهم حتى لو كانت متزوجة
فيه أستقرار مادي وأمان لها وسد لحاجتها عشان بكرا ماتحتاج لأحد لاقدر الله
تكفي نفسها وتكفي عيالها وهذا الزمن صار يخوف واسوأ الاحتمالات فيه تصير
هذا بغض النظر عن الايجابيات الأخرى لعملها فيه صقل لشخصيتها واكتساب مهارات وثقافات متعدده
تكوين علاقات إجتماعية ، تخدم نفسها وتحس إن لها كيان بمجتمعها ، تكون نشيطة بعيدة عن الكسل
تحب تنجز وتعمل وتبدع حتى في بيتها
والمرأه الذكيه هي اللي تقدر توفق بين عملها وبين شؤن منزلها وإحتياج عآئلتها
بإنها تتقدم لعمل يناسب حياتها ووضعها
مو وحدة متزوجه وعندها زوج ودرزن عيال بالبيت وتروح تاخذ لي دوام شفتات ليل ونهار وتقصر بواجبات بيتها وتقول العمل أهم
هذا غلط وهذي الحالة مايشملها كلامي
والموضوع ذا بذات قبل كم سنه كان مرفوض من بعض فئات المجتمع
لكن الحين صار عند كل ناس وعي بدور المرأه وحاجتها للعمل
وحتى الكثير صار يتمنى أن تكون زوجته إمرأه عاملة
عاد ممكن يكون طماع
وممكن يكون غير مقتدر ويبغى زوجته تعينه على تكاليف المعيشه والغلاء اللي بالزمن هذا
والمرأه اذا بتقعد في بيتها او اذا تبغى تعمل هذا شيء راجع لحريتها الشخصيه
الدين ماقيد أحد وكُل وحده عارفه وش المطلوب منها وعارفه واجبها تجاة خالقها
سوا في عملها او في بيتها .،
الله يكتب لنا الوظائف الطيبه
|