[طــبــعــي خــجــولــه]

السلام عليكم ورحمة الله وبركاته

بدخل في الموضوع على طول

حبيت اقول لكم شوية نصائح ونبذه عن خطه ب لطلاب والطالبات اللي راح يدرسونها الترم الثاني

طبعا هي 4 مواد

الاحصاء - مهارات التفكير والتعلم - مهارات الاتصال - الانجليزي .

كلها سهله تقريبا ومهضومه بس تحتاج تركيز وحففففففففظ ركزوا هنااا حفظ ...

الاحصاء / ماده تشبه الرياضيات بس تعتمد في حلها على المعادلات والبابين الاولى والثانيه نظريه يعني تحفظونهااااا صم من البدايه عشان لاتتعبون .. والابواب الباقيه تحتاج الى فهم القانون ومعرفة طريقة الحل .. والباب الاخير فيه اسئله ذاتيه شامله للمنهج كله انصحكم بعد ما تذاكرون الماده ترجعون للأسئلة الاخيره وتراجعون صدقوني راح تحفظوا وتلاقوا نفسكم فاهمين وانها بسيطه.. بس لاااااااازم اهم شي المذاكره اول بأول يعني بعد كل محاضره خذي لك بريك وبعدين ابدأي ذاكري الدرس ولاتقفلي الكتاب الا وانتي فااااهمه ..

مهارات التفكير والتعلم / ماده دسسسسمه بمعنى الكلمه رغم سهولتها الا انها تتوهك في الاسئله لان اغلب مواضيعها الاساسيه متشااابهه ومتداخله بس مثل ماقلت ذاكري كل درس بيومه لاتخلين درس الا لما تراجعينوا 3 مرات ع الاقل حتى تثبت المعلومه ..

مهارات الاتصال / ماده ممتعه ورائعه قبل لاتكون ماده ندرسها .. كلها من واقع الحياه .. ولما تتعمقي فيه تحسين انك كأنك دارسه الدروس من قبل .. طريقة المذاكره انك تتفهمي المحتوى قبل تحفظين حتى تترسخ بذهنك المعلومات بالنهايه هي اسهل ماده في خطة ب وامتعها ولو جاتك اسئله في الاختبار ومو عارفتها راح تجاوبين لانك عارفة الجواب من خلال مجتمعنا والحياه ..


الانجليزي / رغم سهولة محتوى الدروس فيها الا انها تحتاج لتركييييز وفهم لمعنى كل كلمه
لازم تفهمي الشرح مع الاستاذه قبل تحفظين والقاعدات لاااازم تحفظيها .. وتراها جدا سهله كلها من المتوسط والثانوي يعني لاتشيلون هم حلوه الماده والدروس وخفيفه ..

اخيرا انصحكم بعد المذاكره تراجعون من الملخصات لكل ماده حتى تتأكدون من ترسيخ المعلومه اكثر .. وكمان لاتذكرون الا وانتوا هاديين مو منفعلين ولا قرفانين من المذاكره لانك لو بتذاكرين من اليوم لبكره وانتي على نفسيه شينه ماراح تحفظي يمكن مؤقتا وبعدين تنسي .. روقوا وهدوا وخليكم ريلاكس وذاكرون بنفسيه حلوه وياسلام لو ع الصبح مع اصوات العصافير والهدوء والجو ..

اتمنى لكم التوفيق والنجاح و ادعووولي ربي يوفقني في خطه أ ..