[راجي ربه]

طبعا زي ما قالوا اللي قبلي ..
الثقة بالله والاجتهاد في المذاكره أهم شيء ..
بس أحس الدافع كمان مهم .. يعني تخيل نفسك وانت خارج من الاختبار بدرجات امتياز .. كيف فرحتك وكيف حتخبر اللي حولك وكيف وكيف .. وتخيل نفسك وانت بتقدم على وظيفة ومعاك الشهادة بمعدل عالي .. كيف حيقدموك ويجعلوك أولى من غيرك .. تخيل وعيش الجو .. والنية الصالحة بأنك حتقدم وتنفع الامة المحمدية والمؤمن القوي عند الله خير من المؤمن الضعيف ..
وإذا صار عندك الدافع .. بعدها جيب ورقة وقلم وإبدأ بتقسيم المواد على الاسابيع بس خليك واقعي في التقسيم يعني راعي ظروفك وانشغالاتك ..
وبعدين وقت المذاكرة ركز على المعلومات اللي تكتسبها وحط في بالك إنها معلومات مهمة لحياتك وفرغ ذهنك من أي شيء تاني مهما كان مهم .. كمان عدم الاستهانة بالمواد أثناء المذاكرة ..
وفي كل خطوة من خطواتك اربط نفسك بالله .. قبل المذاكرة ركعتين بنية الفتح منه سبحانه والفايدة ..
وقبل الاختبار بنية التوفيق والنجاح بامتياز ..
وبعد الاختبار بنية الشكر لله ..
كده تضمن النجاح مو بس في الاختبار كمان في الاخرة إن شاء الله
والله يوفقك ويوفق الجميع وتذكر دائما إن الفشل أول الطريق للنجاح ..