[الشيمآء]

المشاركة الأصلية كتبت بواسطة skh]s السلااااام عليييكم بناات كيييفكمم ^.^.. الشيمااااء ألف مبروووووك تستااهلي تكوني اطلق شي في المنتدى ماشاء الله عليكي رائعة .. .... بناات بسألكم في جدولي أهم شي اللي يدرسني مرررة خايفة لأني لين ذحين مدري احول ولا لأ.. وأبغى أمشي ع الخطة زي ماهيا .. نزلتلي مواد خلية مع فاتن معمل أحياء 281 مع فايزه بكر سليمان عبده .. أحد يعرفها يابنات مرة خايفة من ذا المعمل.. ونزل كيميا حيوي 371 بس مانزل مع مين.. وثقافة وعربي عادي.. بس أبغى أعرف طبيعة المواد وإيش أذاكر وإيش أسوي.. الله يخليكم في الخلية مع فاتن صحبتي تقول تتكلم انجليزي وأسئلتها صعبة @_@".. وكيف معامل ذي المواد ؟؟

و عليكم السلام و رحمة الله و بركاته ~

الله يبارك بعمرك يارب

من جدك أنتِ !! 3 معامل بس, و يومين لـ 5

خلية أخدتها مع أ.نيفين, شرحها حلو و كلو كويس ..
بس لا تتقاوحي معاها أو تغلطيها, تتوحش الآدمية
دورياتها كلو اختياري, ما عدا أسئلة البونس تكون مقالية,
و الأسئلة كانت برأيي متوسطة ..

بس من كلام البنات فاتن أفضل !!

أ.فايزة مش اللي ح تدرسكم بيو281, دي مشرفة ع المعمل أو هيك شي ..
بس انتبهي تكوني مع أ.هناء, الكل بيشتكي منها
إزا تبي مع أ. حبيبة, فلاحظت من السنة اللي فاتت الترم الأول, و لين الترم الأول من دي السنة ..
معمل بيو281 اللي بتاخدو دائمًا يوم الأحد من 11 لـ 2 *_^
مو تتدعي عليا لو اتغيرت :"(

كيمياء حيوية371, أشوفها سهلة
<~ يمكن بحكم تخصصي
كربوهيدرات, أحماض أمينية, بروتينات, دهون, أحماض نووية, إنزيمات, هرمونات, و فيتامينات ..
أتوقع دي المواضيع اللي بتتناولها المادة, و يمكن أقل !!
ع الأستازات, فـ زميلة ليا في قسم الأحياء مدحت في أ. صفاء, تقولي بتدي بونس و هيك يعني *_^
و معمل المادة مرة سهل, في الفاينل يدوكِ السكيم في يدك و ح تمشي ع الخطوات, بالزبط !!

المشاركة الأصلية كتبت بواسطة ارقى البنات بنات ايش رايكم في ماده حرة سلوك انساني مع سمر عناني ؟ او مع منى بادكوك ؟ مالقيت غيرها تناسب جدولي لانو ابغى احد و تلوت بلييز افيدوني

ما قد سمعت بيها, خدي مادة معروفة ..
عشان تضمني درجاتك فيها *_^
فيه مادة سيرة نبوية يوم الأحد و التلوت .

المشاركة الأصلية كتبت بواسطة روح كلها طموح بنات بدا الحذف ولاضافه ؟! ومتى يبدا ؟! وابغى اسالكم لو اخذت 4 معامل في الترم حيكون ضغط ولا لا ؟!

لا لسسا , يبدأ اليوم إن شاء الله الساعة 3 الظهر .
4 معامل مش ضغط مررة , بس لا تحطيهم في يوم واحد عشان لا تنزنقي أيام الفاينلز .

المشاركة الأصلية كتبت بواسطة نونا *_* بنات احس جدولي قليل بس تنظيم وطاقة وتحليلية وفيزيائية وعربي كنت أبى مادة حرة بس شكلها ماحتتيسر على كذا حتأخر على التخرج ايش اضيف معاها وتناسب جدولي استنااااكم..

امممـ .. حاولتِ تضيفي سيرة نبوية مع أ.سمر ؟

المشاركة الأصلية كتبت بواسطة ح ــياه الروح مٓ ــسااء البرَٓگه ع ّ الجميعٓ ☃ أشگرك بيشو ع الموضووووع الجميل والمفيد لنا يعطيك العافيه ً." وانا كمان حابه انكم تعطوني رايگم في جدولي ♥♥ انا في السلمانيه " :) طبعا انا اعتذرت عن الترم هذا اللي فات ف ـٓكل شي جديد علي دحين فيارييييييت تساعدوووني في الاستاذات ً♪♣ :) اول شي صح لو حذفت ماده الثقافه تنقطع المكافأه :) جدولي : " احياأ عامه bio 202 ' فاطمه القدسي ' " معمل احياأ bio 281 ' حبيبه سيت ' " كيمياأ عضوي chem 230 ' فوزيه البلوي or سميه ' " معمل گيمياأ chem 281 ' بصراااحه ما أعرف مين الاحسن ' " امن وسلامه bio 200 ' برضوا ماني عارفه :( ' " عربي arab 101 ' رحمه ' ها ايش رايگم حلو ولا گثير :( وايش اختاااار في المواد امن ومعمل كيمياأ ً:( بجد صبايا احتاااج مشورتگم :) يعطيكم العافيه وماااتقصرووون والله ً.:) سبحان الله وبحمده سبحان الله العظيم

مين البكاش اللي قلك تنقطع المكافأة لو ما أخدتِ ثقافة ؟
ما علينا , جدولك حلو ما شاء الله ..
كيمياء عضوية كمان أ.نسرين ممتازة

أستازات معامل 281 اللي في الأودس, مش هما اللي ح يدرسوكم .. دول مشرفات فقط .

المشاركة الأصلية كتبت بواسطة their moon بنوتات فيه أحد أخذ قبل كدا أو سمعتوا عن بنات أخذوا ثقافه 3 و4 في ترم واحد ياليت تفيدوني ^^

أعرف إنو في الصيف مسموح, و أعرف بنات عملو كدهـ ..
بس في الأترام العادية ما أظن يسمحوا ..
لإنو قبل فترة حطوا إعلان في العلوم إنو ممنوع إضافة مادة و متطلبها بأي شكل من الأشكال *_*.