السلام عليكم اخواني واخواتي كيفكم
عندي استفسار وياريت تساعدوني الله يجزاكم الجنة
انا دحينا سنة تانية اول ترم ليا متخصصه و تخصصي كيمياء عامة بكلية العلوم فرع البنات الفيصلية وعملت تحويل من كلية العلوم بالفيصلية الى كلية العلوم بالسليمانية وامس فتحت الاوديس عشان اعمل جدولي لقيت معلوماتي الاكاديمية تغيرت ومانزلوا لي جدول
هدي بياناتي اللي قبل :-
القسم = 10فرع البنات (الفيصلية)
الكلية =013 العلوم
التخصص = 1940 الكيمياء
حالة الطالب = 001 مستمر بالدراسة
التعريف = 059 مثبت بعد السنة التحضيرية
وهدي اللي تغيرت امس :-
القسم = 06 طالبات انتظام
الكلية = 013 العلوم
التخصص = 0030 مستجد-علوم
التعريف = 001 محول من كلية الى كلية اخرى
حالة الطالب = 001 مستمر بالدراسة
ايش الوضع تتوقعوا حولوني للسليمانية وحيكون نفس تخصصي الكيمياء ولا يتغير
وغير كدا مانزلي جدول نهائي ولمن جيت بعمل جدول مافي غير مواد حرة مثل الثقافه والعربي وضفتهم مافي ولا مادة من تخصصي عشان اضيفهااا
ومارسلوا لي رساله على الجوال ولا الايميل والله مو عارفه ايش اعمل حيرووني وخايفه