[LeLou]

المشاركة الأصلية كتبت بواسطة optimistic sona . . السلام عليكم ، أنا تسكنت هذا الترم في العلوم وان شاء الله السبت حروح وأختار التخصص - فيزياء - فـ ايش رايكم أمشي ع الخطة في الجدول ولا كيف ؟؟ واش هي مواد الفيزياء مستوى ثالث ؟ وكم ساعة ؟؟ وشكرا ^^

و عليكم السلام و رحمة الله و بركاته..

شوفي هو مواد السيميستر الأول عندك فيزياء 202 و 203 و ماث 202 و أمن و سلامة phys200 و chem 200 و معمل فيزياء عامة phys281..

أنا إللي أخذته كان زي إللي في الخطة ما عدا أمن و سلامة الكيمو لأنهم حذفوها من الخطة و بعدين رجعوها و عملوا لنا ربكة في المادة دي ..

بصراحة أنا حسيت بضغط مع المعامل ..
فإذا تبغي تخذفي شي أحذفي معمل الفيزياء..
بس عمومًا حسيت بميزة أني صحيح انكرفت في المعامل السميستر الأول بس الكرف دا كان في سيميستر واحد بس ..
بعد كدا كل سيميستر معمل واحد..
و ما أنصحك تاخذي معملين في المستوى الرابع لو أخذتي كل مواد المستوى لأنه حيكون مرة ضغط عليكِ..
هذي وجهة نظري المتواضعة ..
خذي مواد الخطة زي ما هي بس بصراحة لازم تشدي حيلك المواد مو صعبة بس صراحة تعبنا مرة كثير يعني كرف..
بس حترتاحي بعد كذا ..

إنتي استخيري و لو تبغي تحذفي مادة أنا أقول لك لا تحذفي أبدًا ماث 202 لأنه كل شي في المستوى الرابع متطلبها..

الخطة الدراسية في المرفقات لكن فيها خطأين ..
الأول: ماث 202 3 ساعات مو أربعة..
الثاني: مادة chem 200 أمن و سلامة مختبرات ناقصة..

بالتوفيق||~