وعليكم السلام
الجدول جيد بالنسبة للمواد
الدكاترة فيهم الممتاز والجيد
اكيد المشرف الي تعبك مشرف طلاب الإنتظام << صاحب تجربة سابقه
^^
روح عند مشرف طلاب الإنتساب والله راح يخدمك بعيونه ويسوي لك كل الي تبيه
وكان الله في عونك
تصدق من امس اتوعد في الشؤون التعليمية (واليوم راحت علي نومة)
خذ ورقة حذف واضافة وحط فيها المادة والشعبه الي تبيها (وروح لدكاترة الي انت تبيهم) في القسم وخلي كل واحد يوقع قدام المادة (لامانع من توسيع الشعبه) وبعدها راجع الشؤون وانت مطمن
|
حاولت أتواصل مع الدكاترة لكن مافي فايدة: الدكتور العثمان جواله مغلق ، و فايز حابس ما يرد على تلفون المكتب ، مصطفى بيطار ماله وسيلة تواصل. كنت أتمنى أطلع اليوم للجامعة أقابلهم في مكاتبهم لكن انشغلت للأسف ، و بكرة بيكون لي زيارة إذا الله أراد. بالنسبة للمشرف ما أقول إلا الله يهديه و يرزقني بمشرف يقدر أوضاعي. يعطيك العافية أخي الحبيب.
الله يعينك
اهم شي شد حيلك وماعليك في الدكاتره
بالتوفيق
|
والله يا غالي إذا على شدة الحيل ابشر من عيوني، لكن للأسف بعض الدكاترة معقد لدرجة التعقيد ، ولو تشد حيلك من اليوم لبكرة مافي أمل تمشي معاه بقدر جهدك. بارك الله فيك.
وعليكم السلام
حيالله الأستاذ عبد الله
جدولك جيد عدا الأحوال الشخصية
الدكتور لايمدحونه الأخوان هنا
وفقك الله
لازال هنالك أمل في تحسين الجدول بشكل أفضل
أتمنى لك التوفيق
|
بالنسبة للأحوال الشخصية حذفت المادة، وإذا ما قدرت أضيفها مع د.حابس شكلي بأجلها للصيفي. حياك حبيبي وشاكر لك تواجدك.
جدولك جيد .. لكن اخدت اصعب دكاتره .. العربي -عبدالله نذير-زكي شناق
وبالنسبه لنايف وحسان ممتازين لكن اسئلتهم صعببببببببببببببببببه
نصيحه اقل شي تغير دكتورين من الثلاث اللي ذكرتهم في الاول وافضلك العربي تغيره
|
ماهو بيدي يا غالي. أنا أُرغمت على هؤلاء الدكاترة. بالنسبة لحسان أبو العلا درست معه الدستوري، صراحة دكتور محترم و متساهل وأسئلته لو تذاكر تحلها، جزء كبير منها مقالي لكن منتهى البساطة، وأعطاني درجة ما أحلم فيها، رغم اني جبت العيد في الاختبار الأول. حياك أخي الكريم.
الله يعينك يا عبد الله ، ومن يوم ما دخلت القسم وانت من مشكلة لـ مشكلة ، لكن تأكد ان هذي المشاكل تواجهك في البداية وبتزول بإذن الله مع إصرارك الواضح والجميل في دراسة الأنظمة .
الجدول ممتاز ، ولكن كما قال الأخ محمد بالنسبة للدكتور عبدالله نذير أحمد ، الأفضل تغيرها وتحولها إلى الدكتور الرائع والخلوق والممتع الدكتور فايز حابس .
أما البقية من المواد أعطي لها اجتهادك تعطي لك درجاتك وشد حيلك مع الدكتور زكي شناق ، لأنه دكتور متشدد شوي ولكن تحمل عنه العلم الكثير والغزير <-- شهادة بعض الطلاب .
والله يوفقك أخوي عبد الله .
|
ما عندي مشكلة أتحمل المشاكل والضغوطات، بالعكس أحب أعيش في أجواء التحدي هذي، لكن هذي ماهي مشاكل هذا ظلم، ومافي طريقة إلا أن تكون ردة فعلي بالاستجابة لهذا الظلم، و الشيء هذا يجعلني ضعيف أمام نفسي، لأني متعود ما أسكت على الظلم، لكن ما أقول إلا حسبي الله ونعم الوكيل.
بالنسبة للأحوال حذفتها اخوي مستفيض ، بحاول مع الدكتور فايز ، إذا مالله أراد أجلتها للصيفي وامكن أأجل معها مادة الدكتور شناق، لأني خايف يشنقني بمادته وأروح بخرايطها. منورني دوماً وأبداً أخي الحبيب.
اخوي مدام الاساتذة مو كويسيين لو في شعب مفتوح للمواد اللي بالمستويات اللي فوق مع اساتذة كويسسن خذها
عندك مواريث ووصايا اساتذدتكم كويسسين
,
,
بَ التوفيق وان شاءالله يتعدل جدولك للأحسن
|
تصدقين فكرة حلوة، براجع الخطة الدراسية الآن، و أشوف ايش المواد اللي اقدر أضيفها، و ما أستغني عن مشورتكم. يعطيكِ العافية أختي الكريمة على الفكرة الجميلة.
جدول حلو لكن منزلينها عند اساتذه لك عليهم الا اذا كنت ماشاء الله مجتهد زود
الاحوال الشخصيه استاذها مطلع ريحتنا بالفصل المنصرم اسئلتة صعبه جدا جدا جدا
|
ما حزرت، محسوبك غير مجتهد زود خخخخ ، خلها على ربك بس ، وإن شاء الله تتيسر معي. الأحوال حذفتها من عند عبدالله نذير. حياك أخي الكريم.
,