[LeLou]

باكــ||~

ثانيًا:: فيزياء عامة 3 (( PHYS 203 )):~

مقرر سهل و ظريف و لكن مواضيعة كثيرة..
يتكلم بداية عن ديناميكا الموائع،، و بعدين الحركة التوافقية البسيطة ،، و بعدين الموجات و راح تتعمقوا في الموجات الميكانيكية و موجات الصوت شوية،، بعدين في جزء بسيط من الديناميكا الحرارية ،، و أخيرًا جزء عن البصريات..

مقرر يحتاج تركيز،، الدكتورة ما شاء الله عليها مرررة ممتازة و تفهم كويس و تجاوب على جميع أسئلة البنات..
ما أنصح بالغياب فيه..

أسئلة الدكتورة بصراحة مو صعبة بس مو سهلة،، يعني محتاجة تفكير و يبغالها واحدة فاهمة..
يعني إللي تحفظ بس راح تجيب العيد..
لا تصدقوا أحد يقول لكم أسئلتها صعبة،، هي محتاجة فهم مزبوط،، تكون واحدة مو فاهمة كويس أو مو مذاكرة كويس تجيب العيد و تلوم الأسئلة ..

المادة دي لها معمل،، فيه عدة تجارب::
أول شي راح تعملوا تحقيق قانون أرخميدس،، بعدين حساب ثابت هوك للنابض،، بعدين تجربة البندول الفيزيائي المركب لحساب تسارع الجاذبية،، بعدين حساب سرعة الصوت،، بعدين تجربة الموجات الموقوفة على حبل و راح تحسبوا تردد الموجة إللي يعطيها الجهاز،، و حساب معامل التمدد الحراري لقضيب معدني،، حساب نقطة الذوبان للشمع،، حساب الــ Heat Capacity للماء،، و آخر حاجة المرايا و العدسات..

التجارب حلوة و ممتعة،، صح شغلها كثير و أحيانًا كنا ناخذ الــ 3 ساعات كاملة،، بس المعمل بجد ممتع و استفدت منه..

آخر حاجة توصيف المقرر في المرفقات..
يتبع مع مقررات أخرى||~