[إحسـ رسامه ـاس]

ابنشدك ياصحيبي ليش هالصده
ثلاث شهور ماشفناك يالغالي

ياللي تجيب الخبر لا هنت له وده
مرسول من خاطري كالسكر الحالي

قله صحيبك حزين طول هالمده
انته نسيت الخوي ولا يورالي

يابو حمد صاحبك حال الهوى هده
الله يامكبر همومي وغربالي

لا واوجودي على شوفة بحر جده
اذن تصفي هواجيسن على بالي

لا واوجودي على اللي ناعم(ن) خده
شيهانتـ(ن) تطرق الاول على التالي

في الزين مقياسها محدن وصل حده
ماهي خرافه ولاهو قول جهالي

بنت الدلع في دلعها ماحدن قده
مدلعه في ذرى من يحتم التالي

يوم ان عيني لصوب الحزن منلده
مافي غيره يخلي خاطري سالي

ان اشهد انه سكن وسط الحشى وده
يا وجدي حالي على ما اشوفه قبالي

اثر المفارق عذاب نعنبو جده
وانا كما التايهن وسط الخلا الخالي

خضيت بحر الغرام بجزره ومده
واشعلت نار القصايد بأشهب اللالي

واخر حروفي سلامي يابحر جده
والله والله ماغيرك برى حالي

واخر حروفي سلامي يابحر جده
والله والله ماغيرك برى حالي



راقت لي
إحسـ رسامه ـاس