[كرزه...]

أمس صار لي فلم مرعب

أنحبست في الأصنصير

القصة أني رحت عن جمعة ناس كبيره انا وماما وعمور

بس في نص الجلسه عندهم عمور طفشنا يبى يرجع البيت واتصلنا على بابا يرجعه البيت لأن بيتهم قريب مننا مره
المهم أنا المسكينه رحت انزل عمور لبابا وأقول في نفسي خدي الجوال معاك ممكن يصير لك شيء
تهاونت في الموضوع ونزلت بدونه
بعد ما وديت عمر لبابا طلعت لحالي بالاصنصير المرعب وهم في الدور الخامس
و وقف عند نفس الدور ممكن لثلاث ارباعه
وانا اقول اشبه مافتح اكيد بيفتح دحين
قعد طول
ضغطت على كل الارقام ما بيتحرك
قلت اكيد بيمزح
وجلست ابكي اصرخ ياناس انا جوااا
تجمعوا الخدم علي بعد ما هلكت الجرس
بعدين جو اهل البيت واهم شيء انهم ماقالوا لأمي لأنهم عارفين ان امي مره خوافه وبتسوي افلام

في النهاية بعد انهلكت بكا نص ساعة جاء ولدهم وأنقذني

ما أدري اش اقول كنت مستحيه من الولد وكمان الولد مستحي وفي نفس الوقت خايفين
يعني كيف أطلع وهو قدامي جالس بيفتح الباب مسكين بكل قوته وكمان في مسافه بين الدور و مكان وقوف الاصنصير
خرجت من تحت يدينه >> مدري كيف اوصف

عشاني نحيفه بس طلعت لو أنا مليانه كان الله يرحمني وقتها قعدت ساعات عبال ليجيبوا الرجال
المهم بعد ماطلعت مره كنت ابكي وجات أمي المسكينه منهاره وطبعا صار الفيلم الهندي المعروف

وانتهت القصة المرعبة التي لا تنسى

وعند الناس صرت البنت المشهوره الي أسمها " الي أنحبست في الاصنصير "