[white rose]

المشاركة الأصلية كتبت بواسطة LAURA H يا جماااااااااااعة مين يعرف مس حصة الراشد؟؟ حاطينها لشكسبير!!

والله شكلها جديدة ويمكن تكون من الكلية زي مس ابتسام ومس ايمان استخدمت محرك البحث عشان اشوف لك النتايج وطلعت لي اكثر من موضوع يتكلم عنها ادخلي من الرابط [ من هنا ]

المشاركة الأصلية كتبت بواسطة s.w هاااي صبااايا عندي سؤال عن مس خديجة باوزير كيف لانها ماسكة ترجمة ؟؟؟ وصراحة متلخبطة اخذ مورفولجي مع ليلى والا سينتاكس مع منى بس انا نفسيا ابغى مع منى لاني مجربتها وراح اخذ فونتيكس ومابغى مادتين في الترم نفس الاستاذة ادوني رااايكم مشكوريين

مس خديجة يمدحوها الانتظام كثير ويحبوها وما يفوتو شعبها اتوكلي على الله وخذيه معاها ومس ليلى لا تخافي منها طيبة لابعد حد ومنى احس شرح جدا ممتاز احسن استاذة في اللغويات تشرح للامانة تحبي كلاسها وعادي نزلي مادتين مع نفس الاستاذة المهم تكون استاذة كويسة ومس ليلى ما عليها كلام طيبة وربنا يوفقك ^_^

المشاركة الأصلية كتبت بواسطة SARO0O المشكله الفونتكس متعارض مع الادب سرو ...

اها الله يعين مع التعارض حوووسة
يصير اما انك تنتظري يمكن يفتحو شعبة فونتكس ثانية غير المتعارضة وتضيفيها لجدولك او تحذفي الفونولوجي لانو متعلق بالفونتكس كثير وربنا يفتحها عليك وييسر امرك ^_^

المشاركة الأصلية كتبت بواسطة HaNosha السلام عليكم ورحمة الله وبركاته يآ آلله وحشني دآ آلقسسسسسم .. من وقت مآحولت مآجيتووو حآبه تفيدوني في الاستاذات .. نآزله مآدة المورفولوجي مع استاذه منى .. و الفونتيكس مع آلآء ؟ تنصحوني اخدهآ معاهم ولا آحذفهم أفضل ؟ لاني جدآآآآآ خآيفه من آسئلة منى و يآريت تعطوني فكره عن استاذه ليلى هآشم و مشكووووووووووورين مقدمآ

المورف مع منى تمام انا اخذتو معاها امشي على شرحها ما تحب الدش كثير والفونتكس الاء برضو ما شي حالها بس الكورس معاها يحتاج شدة حيل ومس ليلى شرحها كويس حسب المادة وغالبا احفظي شرايحها ما تخرج عنها وبالتوفيق ^_^

المشاركة الأصلية كتبت بواسطة لصممتي حكممه طيب لو ابغاهم يفتحوا شعبه وهميه ايش هيا الاجرائات اذا في يوم تخلص السالفه يصير اروح جده يوم واراجعهم ,, السمانتكس طلع متعارض مع المورفولوجي ,, والسوسيو احس انه كارثه خايفه منه كثييير واحس سوسيو وادب ماتجي سوا ولا ؟؟ الله ييسرها للجميع يآآآرب

الشعب الوهمية هيا للخريجات بس لكن انتي كلميهم على اساس اذا فيه امكانية يفتحوها لانو هما اذا كانت فيه بنات خريجات وما أخذوا المادة يفتحو لهم شعب وهمية ما تتعارض مع جداولهم وساعتها يمديك تنزليها معاهم بس لازم تكلمي المرشدة عشان تنزلها لانو ما تنزل الشعب الوهمية في الاودس والسوسيو للامانة دششش واحسو صعب مرة مع الادب كمان نازل مع خولة يعني احذفيها لانو معاها يكون النجاح على الحافة مهما ذاكرتي او تعبتي :(
وامين ربي ييسر امرك وليتهم يزيدو الشعب ويريحوكم من حكاية التعارض والتفكير واذا اضطريتي وما انحلت التعارض لا قدر الله يصير زيدي مواد حرة او عامة وبالتوفيق ^_^

المشاركة الأصلية كتبت بواسطة little Angel مشكورة وايت روز الله يوفقك ولاننحرم منك..

امين واياك يا عسل وربي يوفقك وييسر امرك ^_^