[الصقر 02]

اليوم صار علي حاجة أول مره تصير علي

والحمد لله مسكت اعصابي وبالعكس تبسّمت في وجهه

أول دوام لي كان اليوم

داومت أول محاضره في الصبح والحمد لله جيت عند دكتور طيب واستبشرت خيرا

بعد ذلك اتت المحاضره التاليه وكانت فيزياء

وش زيني جالس في القاعه انا وأخوي ومن اول الناس حاضرين وقبل الدكتور جينا

دخل الدكتور بدأ يطلع اوراقه بعدين مسح السبورة

طالع فيني انا واخوي ويهبّ فينا ذيك الهبّه اللهم يا كافي

وانا ما ادري وش سالفته مع الصبح

المهم قال وين دفترك قالها بالانجليزي طبعا الدكتور باكستاني

ما امداني بعد اقوله ان هذي اول محاضره لي الا ويخربها الأخ ويقول ( جو هوم ) روح بيتك

الحين انا جالس اطالع في أخوي واطالع في الدكتور مستغرب من اللي يحصل

لا سلام ولا كلام على طول تنقز كذا في وجيهنا

والله وضحكت في وجهه وقلت اصبحنا واصبح الملك لله

واضرب الباب وعلى الحذف و الاضافه واحذفها و اضيف مكانها العربي

والحمد لله ماني ندماان ع اللي سويته

صقريات :

* الدكتور اسمه " صبغة الله " والله ما فيه من صبغة الله شيء

* وهو يكلمني تذكرت البيت اللي في الفيديو اللي فوق " ألا يا ليت عبدالله يصّرح يوم لأهل الدار "

أول واحد أعرفه " صبغة الله "

* تذكرت قوله تعالى : ( وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ )

* سامحك الله يا " صبغة الله "