[حيــــــاة]

المشاركة الأصلية كتبت بواسطة آلبتول حياة الله يسعدك ياقلبي تصدقي رديت على خلود بدون ماانتبه لردك :) سامحيني والله معلومه حلوة انه يقدر يسجل انتساب وبعدها اذا جاب معدل عالي يحول انتظام طيب تحملوني حبتين 1-كم المعدل المقبول للتحويل لانتظام وهل يقدر يتخصص في الهندسة مثلا لو حول لانتظام ؟ 2-وهل فيه فرق بين اللي حيدرس انتساب بفلوس عن اللي حيدرس بالمنحة ؟؟ طبعا غير انه مجاني وانه انتظام هل فيه مميزات اخرى مااعرفت عنها 3-وكيف طريقة التقديم للانتساب 4-ولو قدم على انتساب مدفوع وانقبل. ينفع بنفس الوقت يقدم على منحة ع السفارة او الجامعه نفسها بحيث لو انقبل يكمل كمنحة انتظام?! مو مهم المنحة بصراحة لانه كذا او كذا هو كان ناوي يسافر للخارج ويخسر خساير فيخسرها هنا بتكون اقل وبيكون قريب مننا الله يحفظه واحد عنده فكرة هل تتم معادلة المواد اذا كان الطالب في منحة خاصة باحدى جامعات المملكة وبعدها سحب من الجامعه فهل يعادلون له مواد السنة التحضيريه اللي درسها؟؟؟؟ لاني لما سألت وحدة من موظفات عمادة القبول قالتلي لا ماتنحسب ويدرسها من جديد : /

انا جيت
عشان يجول من انتساب لانتظام لازم المعددل يكون 4.75 وفوق ،، والتخصصات بس كلية الاداب والاقتصاد والادارة وكلية الاعمال في رابغ ،، ما يقدر يتخصص في كليات علمية << هذا اللي اعرفه امكن في طريقه ما اعرفها بس الشائع والمعروف كذا
والفرق بين المنحة والانتساب مافي غير انه المنحة انتظام والانتساب انتساب

ويقدر يدرس انتساب على ما يجيه قبول المنحة بعد ما ينقبل ينسحب من الانتساب ويعمل اخلاء طرف ،، العام في بنات كذا درسوا ترم انتساب وبعده جاهم القبول انتظام فانسحبوا من الانتساب وكملوا عادي انتظام من البداية ،

بالنسبة للمعادلة ماني متأكدة انها تتعادل دايم اقرا انها ما تتعادل ،، بس اكيد كمان حسب الجامعه اللي بيجي منها وكذا ،، هذه تأكدوا منها ممكن تتصلوا وتسألوا هذه الارقام
6400000
6952222
6952000
ملاحظة : لازم اللي يتصل يكون عنده طولة بال ويبدأ الاتصال من 9 الصبح

اتمنى اني افدتك وجاوبت على تساؤلاتك واي سؤال ثاني انا حاضرة
الا تعالي بسألك < جا دوري اسأل > : في معلوماتك انك تدرسي ما جستير ،، قولي لي كيف قدمتي ومتى وشو المجالات وكم الرسوم

بالتوفيق