رد: انا محتاره اوقف دراسه ؟
وعليكم السلام ورحمة الله
طبعا اسمحيلي تفكيرك ابدا مو بمحلو نهائيا ، الدراسه ابدا ماتوقفي فيها
مشاء الله نسبك كلها طيبه وعندك الترم الجي تشدي حيلك والسنه الجيه كمان
خلي عندك طموح انك توصلي للهدف الي تبغيه ولمن تحطي هدفك قدامك وتسعي له حتشدي حيلك وحتوصلي ان شاء الله لهدفك
اول شي نظام القبول ف الجامعه هوا سنه تحضيريه قبل التخصص ، يعني كل الي يتخرجو من الثانوي حيدخلو يدرسو مع بعض وتحصلي وحده نسبتها 92 ووحده 100 والاتنين جمب بعض ف الجامعه
بعدها يعتمد ع شطارتك في السنه دي ، لو شديتي حيلك وجبتي معدل عالي حتدخلي الطب باذن الله
انتي حاليا فكري في دراستك وشدي حيلك فيها ، واول ماتخلصي حتشوفي نفسك انتي انك بتوصلي لحلمك وبتحققيه ان شاء الله ، بس اهم شي اتوكلي على ربنا واعملي اقصى ماعندك في الدراسه سواء في الثانويه او الجامعه
وربي يوفقك ويخترلك الي فيه الخير ان شاء الله وتنقبلي ف الي تحبيه :)
|