[ام حمدان]

وعليكم السلام ورحمة الله وبركاته

هلا عزيزتي


والله الاختبار كان مفاجئ لنا

زي مثلا هي قالت لنا في المحاضرات راح تجيب اختيارات عالخلفيات وعناصر الدراما وعليها 20 درجه فقط

بتجيبها في حال نزلت السلايدات الي فيها هالمعلومات على صفحتها لكن مانزلتها ماحتيجبها

وسالناها عالايميل قبل الامتحان بتقريبا اسبوع عن انه تاخرت في تنزيل السلايدات ايش الحل ؟

قالت انه ماراح تنزلها خلاص وماراح تجيب غير اسئله على المسرحيات فقط

واعتمدنا عالهرج ذا واتفاجئ في الامتحان اول سؤال

18 درجه على فراغات عباره عن تعريفات لبعض عناصر الادب + سؤالين مقاليه برضو عن العناصر وعليهم 12 درجه كل واحد 6 درجات

مو فاكره ايش كانوا بالضبط بس افتكر واحد عن البلوت تقولك ايش العناصر الثانيه الي تساهم في عمله او شي مثل مو فاكره بالضبط
والثاني كان عن الexposition عرفيها وماادري ايش كان الشق الثاني من السؤال

للامانه الاسئله مو بذيك الصعوبه بس تفاجانا فيها لانها ماقالت بتجيبها بالشكل ذا وعليها 30 حرام !مفروض قالت لنا ترى بجيبها ايسي
ولمن شافتنا في الاختبار متفاجئين قالت ليه انتوا مااخذتوا ليتريتشر !

حتى لو
احنا من زمان درسنا ادب نسينا العناصر مفروض تنبهنا وهي قالت لو بتجيبها بتكون اختياري مو فراغات ولا مقالي

فاعملي احتياطك وراجعي العناصر كلها

وبقيه الاسئله كانت عالمسرحيات جزء مقالي وجزء اختيارات
والامتحان ترى كان نموذجين
الي جاني افتكر في الوايلد دك عن شخصيه هيدفك اتكلم عنها ووكان اكثر من شق السؤال وعليه تقريبا 14 او 15 بس ماكان صعب كان واضح بس ناسيه بقيه السؤال

وجاني كمان سؤال ماعرفت احله كتبت لي شي عارفه انه غلط
كان عن نفس الاكتات في وايلد دك انه ليه الكاتب عمل المشاهد الاولى في بيت مستر والر والباقي في بيت اكدال
اظن كان كذا السؤال مو متاكده ><

وجاني كمان من هالمسرحيه انه من الشخصيات الي فيها كان idealist ومين realist ولازم توضحي وتشرحي الي خلاكي تقولي عنهم كذا افتكر تقصد بالسؤال الشخصيه المثاليه هو جريجرس والواقعي هو دكتور ريلنق

وكمان جاني سؤال من مسرحيه بلاي بوي
عن انه كيف الكاتب وضح الheorism في مسرحيته من خلال شخصية كريستي وفي شي كمان في السؤال ناسيته بس ترى مو صعب السؤال وافتكر عليه تقريبا 12 او 14 درجه

وجاني كمن سؤال عن الامبرطور جونز مو فاكرته بالضبط بس كانه يتكلم عن المشاهد في المسرحيه نتكلم عنها او شي من هذا القبيل بس فاكره الشق الثاني من السؤال كان واذكري ايش الjungle ترمز له ؟

واسئله الاختيارات كانت دقيقه شوي يعني لو ماقريتي النص مابتعرفي تجاوبيها بعضها سهل مره وبعضها يبغاله عصرة مخ لانه تسالك عن تفاصيل صغيره ممكن ماتتوقعيها زي طريقة خيارات سبارك نوت فلازم تقري النص اكثر من مره وبتعرفي إن شاء الله تجاوبيها بسهوله

عصرت مخي وحاولت افتكر الي قدرت عليه وللامانه مثل ماقلت لك الاسئله المقاليه الي عالمسرحيات ماهي صعبه

وانتبهي لنقطه ممهمه تنقص عليها مس ايمان وهي انه لازم مقدمه وخاتمه لكل جواب وعادي ممكن تكون اجابتك على شكل براقراف بس مهم مقدمه وخاتهمه شوفي الاسئله الي نزلتهم من موقع enote في قسم الملخصات تفيدك كمان ومنها ممكن تتعلمي كيف تعملي مقدمه وخاتمه شوفي كيف يجاوبوا


إن شاء الله اكون افدتك وربي يسهلك امتحانك وتخرجك وارجعي بشرينا بعد امتحانك


موفقه يارب