[LeLou]

السلام عليكم..

ما شاء الله كويس سووا لكم ملزمة للمادة دي ..
في تقدم خخخخخ ..
و غريبة بدأتوا بالبندول البسيط، ..

//
\\

أمممم..
السؤال الأول:
على المحور السيني (الطول L)
السبب: لأنها المتغير المستقل..
على المحور الرأسي (الزمن T) رغم أنه العلاقة مع مربع الزمن الدوري..
السبب: لأنه المتغير التابع..

ملحوظة: دايمًا على المحور الأفقي تمثلي المتغير إللي انتي بتتحكمي فيه (المستقل)،، و على المحور الرأسي المتغير إللي بيظهر لي نتيجة تغيير قيمة المتغير المستقل (التابع)..
بمعنى زي في تجربة البندول،، أنا أتحكم في طول الخيط إذن هو المتغير المستقل Independent variable..
و تبعًا لتغيير طول الخيط راح يتغير معايا الزمن الدوري فبالتالي هو المتغير التابع Dependant variable..
--------------------------

السؤال الثاني:
بصراحة هو عبيط و ما أعرف إذا حاقدر أشرح لك هو كويس..

هو القصة أنا عندي قيم X من 20 لــ 300 و عندي عرض الصفحة 02 سم..
و أبغى أقسم الورقة فأنا لو أخذت التقسيم كل مربع 10 معناها أبغى 30 مربع لأنه 300/10= 30
فأنا مضطرة أقسم الــ 300 على 15 عشان أعرف..
فإذن 300/15 = 20
فمعناها مقياس الرسم 1 سم = 20 وحدات،، و 1 ملم 2 وحدة..

بالنسبة لقيم y عندي من 0.01 لــ 0.1
و عندي على ارتفاع الورقة 24 سم
0.1/24=0.004
إذن 1 سم = 0.004

السؤال عبيط بكل معنى الكلمة ..
--------------------------

السؤال الثالث:
فين الرسمة؟؟!!
--------------------------

السؤال الرابع..
مثلي بيانات الجدول على رسم بياني..
--------------------------

السؤال الخامس:
أ/ حتمسكي كل قيمة للزمن و تربعيها..
بصراحة ما في حيلي أحسبها..

ب/ حترسمي العلاقة في رسم بياني(مربع الزمن على Y و الطول X)

جــ/ على حسب رسمتك و تقسيمتك و هو نفس فكرة السؤال الثاني..

د/ رسم برضو(( وحدة الطول متر "m" و وحدة مربع الزمن الدوري "s^2 يعني ثانية تربيع" ))

هــ/ الميل حتاخذي نقطتين من الخط المستقيم و راح تحسبيه (فرق الصادات/فرق السينات)
و وحدته s^2/m يعني ثانية تربيع/متر..
دايمًا وحدة الميل وحدة محور y على وحدة محور X..

//
\\

انتهى..

أتمنى تكوني فهمتي و بالتوفيق ياعسل||~