[tofe2000]

مجهول بس حبيت اصحح لك انه اول مادة اخدناها كانت التسويق وثاني مادة كانت الاعمال الدولية
والبنات على حسب ماسمعت منهم انه ماحياخدو زي موادنا

ويبنات روح ادرسو وفلوها يعني عندكم السينما وعندكم البحر ولو تقدرو تطلعو لحالكم في هناك سوق تروحوه بالباص نص ساعة بس سوق فيها تخفيضات لا باس فيه وينفع انكم تشترو هدايا لاهليكم وممكن في الويك اند تروحو كمجموعة للندن ويعني استغلو الويك اند وزي ماقال مجهول ابعدو عن اماكن الشبهات

طبعا اول ايامنا كنا نطلع جماعات بس لمن عرفنا البلد وشفنا كيف الوضع صار كل اثنين يطلعو

وبالنسبة للشريحة انصحكم تاخدو موبايلي الي يقول عليها مجهول ولو تبغو شريحة تتواصلو بيها هناك مع بعض ببلاش خدو لايبارا Lebara بس لازم الاتصال يكون من لايبارا لل لايبارا وومكن تتصلو على اهليكم بيها وسعرها كويس ماتصرف لو من برطانيا للسعودية
وفي شريحة انترنت بلاك بيري لمدة شهر ب 5 باوند بس ماني فاكر اسم الشركة ان شاء الله مجهول يكون فاكرها ويقولكم وتشتروها من البرنس استريت

وانصحكم خدو معاكم كاميرات واتصورو عشان تكون ذكريات جميلة

وبالتوفيق لكم رحلة سعيدة