[قلب ينبض لله ~]

لو مادخلتي رغبتك الأولى .. وتسكنتي بأي رغبة غيرها
ممكن تدرسي بالكلية اللّي حطوكِ فيها ترم
( وتاخذي في الترم هذا مواد حرة عشان لمن تحولي مايضيع عليك دراسة هذا الترم كذا وتتعادل لك المواد الحرة )
خلال دراستك في الكلية اللي حطوكِ فيها يفتح التحويل بنص الترم تقريبًا ..
في الاودس طبعًا تنزل ايقونة وترتبي الرغبات
والرغبات مو مثل التحضيري تكون رغبات كثيرة ..
إذا كنتي علمي هذي الكليات اللي تكون متاحة لك
1 - علوم
2- حاسب
3- اقتصاد وادارة
4 اقتصاد منزلي
5 - اداب

ولو كنتي ادبي
1- ادارة واقتصاد
2 - اقتصاد منزلي
3 - اداب

وكل كلية تحط شروط للتحويل لها ..
مثلًا كلية الحاسب كان شرطهم الترم الماضي معدل 4.75
ودرجات عالية في الحاسب والماث والانقلش ..

تقدمي على طلب التحويل ..
وبداية الترم الجاي تعرفي اش مصيرك حولتي والّا لا ..
لو حولتي بياناتك في الاودس راح تتغير .. ولو ماحولتي ماراح يتغير شيء

وبإذن الله تدخلي أول رغبه بدون تحويل وتعب بس شدي حيلك ^__* ..
إن شآء الله أكون أفدتك ..
لأني كنت أتمنى أحد يفيدني في التحويل لمن كنت مثلك ^_^