[تالي نهار]

التوصيات :-

ذهبت بالوثيقه وكشف الدرجات الى كلية الاقتصاد والادارة بجوار مبنى 81 وبالمصعد لدور رقم 4 واتجهت يمين الادارة العامه وذهبت الى اخر السيب وعلى اليسار مكتب سكرتاريا رئيس القسم الدكتور طلعت سندي المهم طلبت توصيات اعطوني ورقه وقالوا رح فيها للمكتبات اللي برا يسونها لك قلت وانا حاضر
وانزل مع المصعد وعلى السياره الى المكتبات الخارجية وذهبت الى مكتبة دار حافظ وقلت لهم هل هذا النموذج عندكم قال لا رح للمكتبه اللي جنبنا واسمها مكتبة الهندسه بجوار مكتبة دار حافظ على يسارك دخلت وحصلت مصري اسمه احمد وقلت ابي توصيات وهذي الاوراق وقال ما يحتاج اوراق الصيغة موجوده عندي بالكمبيوتر ( الشي المهم انه بعد اخذ الوثيقة وكشف الدرجات لا تروح كلية الاقتصاد والادارة بل اذهب الى مكتبة الهندسه قسم الترجمه وكل المطلوب عندهم المطلوب منك كشف الدرجات عشان المصري ياخذ المعلومات منها ) طبعا التوصيه لاي مادة تحمل رمز (pad) فقط وتكون الدرجه 80 فما فوق والله سويت 6 توصيات كل مادة في ورقة ودفعت على كل توصيه (10) يعني دفعت (60) ريال واخذتها وعلى الكلية ونفس الدور وانا خارج من المصعد قابلت الدكتور عبدالله السالم وسلمت عليه وبارك لي التخرج بعد ما شاف التوصيات في يدي وذهبت الى السكرتير وقلت له هذي التوصيات وقعها وختمها قال الدكتور طلعت سندي في اجتماع لكن وقعها من عند الدكتور ياسين شعبان نائب الدكتور طلعت ومكتب ياسين شعبان بجوار السكرتير ودخلت الى الدكتور ياسين وحصلته ياكل شابوره ويشرب شاهي بالعافيه على قلبه المهم قال وش عندك قلت اوقع توصيات اخذ مني الاوراق وكشف الدرجات وقاعد يحقق معي من اعطاك الماده هذي مع مين اخذت الماده هذي وكنت اجاوبه بكل اريحيه قال لي انا وش المواد اللي درستك قلت ماده وحده قال وش هي قلت نظرية التنظيم قال طيب اشوف درجتك فيها وكنت ماخذ فيها (78) قال ماشاء الله قلت الحمد لله وقعد يوقع في التوصيات الست قال يا ابني تكفين 3 توصيات بس ليش ست قلت والله السكرتير اللي قال اسوي كذا قال بسيطه وبعد التوقيع توجهت الى السكرتير عشان يختم التوصيات وشافها ست وقال وش ذا كله قلت انت اللي قلت قال لي ( على بالي انك فاهم توصيتين تكفي ) قلت زياده خير وبركه و ودعته وخرجت من عنده قلت ابغى اودع الدكتور عبدالعظيم شمسان واقبل جبينه وقعدت ادور مكتبه وانا ادور مكتبه صادفت في الاسياب الدكتور احمد المزجاجي وسلمت عليه وقلت له انا تخرجت وحبيت اسلم عليكم واشكركم وقال ماشاء الله وامسك يدي وقال ابيك تكمل ماجستير ودكتوراه وابغى اشوفك هنا وضحك والله دمه خفيف قلت يا دكتور انا عندي بعثه عن طريق العمل لبريطانيا وهذا الشي بفضل الله ثم فضلكم وشكرته ورحت ادور مكتب الدكتور عبدالعظيم وحصلت في طريقي الدكتور عبدالله الخالدي وسلمت عليه المهم وانا قاعد ادور حصلت الدوعان واهرب منه على طول و وصلت مكتب الدكتور عبدالعظيم ولم احصله

اخذت طريقي الى السيارة ثم الى اقرب مطعم و ادقها غدا وارجع الشقه وانام

وهذا علمي وسلامتكم ...