[بيو كيميائية ^_^]

أنا مو ندمانة إني دخلت كيمياء حيوي بس ندامانة إني عايشة في السعودية

أتمنى أهاجر وآخذ جنسية أمريكية أو أوربية وماأرجع ثاني أبدًا

شوف كل الدول متقدمة إلا إحنا لساتنا في عصر الدينصورات لا نفقه شيء

إذا مدير مختبر الجامعة يقول إنتوا ماتدرسون أمراض ويقول البايوكمستري كمستري أقطع إيدي إن كان يعرف شنو يعني بايوكمستري

وإذا بعض الأشخاص حقون الكليات الصحية يجون يتفلسفون ويقولون البايوكمستري مالها داعي وماله علاقة بالطب

فكيف بنكتشف علاجات إلى أمراض وإحنا نجهل شنو يعني بايوكمستري

إلا يجي يقول أحياء وإلا كيمياء وإلا يختصر اسمه ويقول بايو

والمصيبة إن كان الشخص دارسه

خلينا نعتمد على أمريكا وغيرها

متى نعتمد على حالنا مادري

بس فالحين نصنع تمور :p

أنا صحيح يأست لكن عندي أمل بالله

وأقول لو مو خير لي كان ماخشيته أصلًا وأحس بلقى وظيفة أو بكمل بإذن الله

وبعدين ترا سليمان فقيه عالنه وظايف حق البايوك والمايكرو بس لازم تكون ماخذه تصنيف

اهوهـ شيء خلاني أتفائل شوي

وايوا رهامـ ماشاء الله تباركـ الله جاتها منحة في كاوست وإنكتب اسمها في الجريدة وإن شاء الله بعد مايشوفوا اسمها يعيدوا النظر في موضوعنا

الله كريمـ

وترا الوظايف في السعودية قحط كلها حق الأجانب

أختي متخرجة طب وعاطلة عن العمل هي وصديقاتها من دفعتها وفي المقابل جايبين سودانيين أخيب شعب

أنا رزقي على الله لا هو على وزير الأمراض

ولا وزير الخدمة ولا العمل ولا غيرهـ

دافئ ممكن تسأل لي إن كان في هئية الدواء والغذاء بنات وأبا اعرف شروطهم مرة عجبتني ونفسي فيها