[m!ss bonbon]

السلام عليكم ورحمة الله وبركاته

اولا انا دخلت منتدى له بس لانو السؤال دا في بالي من زمان وكنت حابه انزلو واعرف الاجوبه من اخواننا والحمد لله وفرتي عليا المشوار

تاني شي انا طرحت الموضوع قبل مع العيله واخواني صراحة واحد متعصب في تفكيرو والتاني متفهم واخواتي طبعا منهم المؤيد ومنهم المعارض وبابا وماما لم يدلو بارائهم الا في النهاية بعد الاتفاق ع حسب نوعية المنتديات المراد دخولها وهذا مع العلم انا مارح اتكلم عن المسن او الشات او الفيس لاني عمري مادخلتها ولا احب ادخلها اصلا اسمها يجيبلي الازدراء طبعا المسن مع عيلتي وصحباتي وبس

تالت شي والمهم هو لما انا بجلس ع النت بيكون النت في مكان عام زي احنا حاطينو في الصالون وبابا بعض الاحيان يكون معايا ويلعب معايا في قسم الالعاب واخواني كمان بيساعدوني يعني اللي ابغى اقولو لازم تكون فيه رقابة من الاهل مو والله لقلة ثقتهم فيا لا بالعكس عشان يحافظو عليا ويساعدوني في اشياء مااكون انا فاهمتها وامكن اغلط فيها


رابع شي انا بقولكم ع تجربتي في دا المنتدى بصراحه مااحب لا منتديات ولا هم يحزنون بس ادخل دا عشان استفيد من الموجود واشوف اخر اخبار الجامعه وايش الجديد والعب اذا كنت طفشانه وفيه مرا واحد طول لسانو عليا طبعا انا هنا قلت لبابا وسكت قلي انا مالي شغل انتي ردي عليه ورديت عليه باادب لا هزأتو ولا شتمتو بس سكتو وخرجت من المنتدى ورجعت بناء ع رغبة صحباتي قالولي ماشاء الله عليكي كفيتي ووفيتي فيه صراحة وبعدها بابا باسني في راسي وقلي الحمدلله تربيتي فيك ماخابت

خامس شي طبعا حابه اقولكم انو بابا قرا ردودكم وحط يدو ع راسو قال مو معقوله مستوى تفكير اولادي اللي بدرسهم يكون كدا !! فين التعب اللي بتعبو ؟؟ ليه مافيه نضج وتوعيه ؟؟!!!

والنهايه اختلاف الاراء لايفسد للود قضيه واتفق العرب ع الا يتفقو

دمتم في حفظ الرحمن