[hiba.]

اولا مبروووك لكل اللي انقبلــــــو في الاسبوع دا
والله يوفقهم وعقبالنا احنى ننقبل زيهم بأذن الله
.
.
ابغاكم تقراو معايا قصتي احم احم

معليش راح اطول في الهرج اتحملوني

.

انا في بــــداية السنة دي فكرت اني اعيد تحصيلي وقـــــدرات لأنوو معدلي فيه مو كويس بزات التحصيلي جبت فيه 77% <<عقدة
والقدرات 82%
ونسبتي المركبة 89.02 فكان عندي 40% احتمال اني ما راح انقبل لأنو لازم اقل شي 90% و اللي نسبهم فوق 90 ياكثرهـــــــــــــــــــــــــــــم ..
قلت مو مشكلة عادي اعيدو و السنة اللي بعدها ادرس اصلا انا لسه صغيرة << احم احم ليش مستعجلة على عمري ازا ما قبلوني السنة دي يمكن يقبلوني السنة اللي بعدها و ازا مو اللي بعدها ممكن اللي بعدها خخخ << اقضي عمري كلو في الانتضار واجلس اقول لساتي صغيرة
ولو مادخلت السنة دي جامعة مو معناها انو خلاص نهاية العالم ولا " قامت الساعة"
ممكن السنة اللي بعدها بعدين كل شي في وقتو احسن ويمكن كماان خير
و اللي عندو هدف وطموح اكيد راح يوصلو لو وقفت في طريقو جبااال من المعوقات .


وقلت بدال ما أجلس سنة كاملة فاضية خليني اعيدو واجيب فيه معدل احسن من دا ا وخصوصا انوو يبغالو مذاكرة من قلــــــــــب عشان تجيبي فيه معدل تمام وحلو..
وطبعا ايام ثالث ثانوي ماكان عندي وقت اني ازاكر لنو تقريبا كان كل اسبوعين في إمتحانات و كانت ايامي فـــــــــــــــــــل "مزاكة ×مزاكرة" اكيد كلكم مريـــتو بديك الايام وعارفين قصدي ..

فقلت لاا لازم اعيدو لنو معايا وقت كبير راح ازاكر فيه ويمكن اجيب فوق ال90 كمان ودي فرصتي




وآخر شي و بعد تفكير قررت اني اعيدو

وقمت اشتريت جميع المعدات والاسلحة من (كتب و ملخصات) سواءًا لتحصيلي او للقدرات
+ حملت كتب من منتديات يزيد << اكيد تعرفوه

وبدأت الحرب ههههههههع

بس القصة
انو
كل ما مسكت كتاب يقوم عقلي ويقولي ياآآآآآبنت لا تتـــــــــــعبي نفسك انتي السنة دي راح تقبلــــــــي بقدرة الواحـــد الاحــــد .استني لما تطلع الاسماء طلع اسمك الحمد لله , ما طلع ابدأي زاكرى (طبعا على اساس انهم بيطلعوها بداية السنة )... فبلاش تضيعي عمرررك كلو في الكرف والمزاكرة ارتـــــــــــــــــــاحي .ومن بعدها احس ببروووووووووود و كســــــــــــــــــــــــــــــــــــــــل يخليي ما ازاكر واقفل الكتاب
اقوم اقول ياشيخة انا ماصدقت اخلص ثانوي وارتاح من المذاكرة والامتحانات اللي كانت ذابحتني

خليني ارتاح شوية

تخيلو واجلس استنى الشهر والشهر يمر ويجي اللي بعدو الليــــــن ماخلص الترم الاول ولا ذاكرت و لا طلعت اسماء

بعد كدة صحيـــــــت وحسيت اني ضيعت الشهور ديك بدون فايدة ولا استفدت منها بحاجة وقلت لنفسي حرام تضيع على السنة كفاية الترم الاول ضاع خليني ابدا من بداية الترم "الثاني"
و نفس الشي ضاع مني شهر وباقي 3 شهور على اختبار التحصيلي والقدرات اللى اخر السنة..

ودحيــــــــــــــــــــن انا بدأت ازاكر من الــــــيوم وان شاء الله ألٌــــــّحِق

صحيـــــــــــــــــــــــــــــــــــــح اني مــــتــــــــــــــفـــائـــــلة بأنو النسب راح تنزل تحت 90 السنة دي.
طبعا لنو لسة باقي ما خلصو تسجيل و الدراسة حتكون بداية السنة الجديدة فحتمال كبير انو تكون في مقاعد فاضية بس يمكن تنزل الاسبوع الجاي او اللي بعدو او الشهر اللي بعدو بس طبعا مو معنى كدا انو اقضي عمري كلو في الانتضار .. فلازم ابدى مذاكرة من دحين عشان اجيب معدل حلو و ازا طلعت الاسماء مو مشكلة كدة حيكون قبولي زي الجائـــــزة



طيب في الاخير

في وحدة زيي تبغى تعيد قياااس قصدي ــ"خياس" ههههع مجنني ورافع ضغطي

ازا في ترفع يدها

لنو راح نزاكر مع "سوا"
<<اكيد طفشتو من كثرة " ازاكر و نزاكر و مزاكرة " حاسة فيكم هههه

لا اسمع احد يقولي لااا احسن سجلي انتساب وبعدين حولي انتظام

لني فكرت فيها بس انتو عارفين انو حتى لو حولت انتظام راح يكون تخصصات ادارية وانا ابغى شي علمي < طبعا دا ازا حولوني

ايش رايكم في كلامي ؟