[همس الاماني]

المشاركة الأصلية كتبت بواسطة hiba. شوفو كلام علي الصراحة كلامو مررررة فرحني و بث فيني امل كبير بالقبووول لكل اللي نسبهم تحت 90 . نقلته لكـــم حرف حرف .من وقت ما قرات تعليقه وانا مررررررررة مبسوووطة <<هو من قروب الفيس https://www.facebook.com/?ref=tn_tnm...group_activity شبااب وصبايا دوبني راجع من الجامعة اللي صار معي : ضعت شويتين لين ما وصلت لمبنى القبول دخلت قاعة القبول ورحت عند الموظف قالي كم موزونك قلتله بين 89 و 90 قالي طيب رقم الهوية اعطيته رقم الهوية سوى بحث بالكمبيوتر ما لقى اسمي :'( قالي نسبتك اقل من 90 قلتله مافي امل انها تنزل ؟ قالي لا ... قلتله العام نزلت لل 88 قالي لا جانا من الوزارة انو نقبل فوق 88 قلتله طيب وين مكتب العميد قالي الدور الثاني رحت مكتب العميد وقابلته شخصيا وشرحت له عن وضعي وموزوني 86 قالي شوف موزونك الاداري اذا فوق ال 90 تعال وقدم اداري او انك تسجل انتساب قالتله انا ما درست علمي عشان ادخل اداري قالي ترا الاغلب اللي في الاداري معاهم شهادة علمي قلتله طيب مافي امل تنزل النسبة هادي السنة قالي الا اكيد رح تنزل بس مستحيييل تنزل لل 86 تنزل لل 89 او 88 بالكثير قلتله طيب كم يبغالها لين ما تنزل قالي من دحين ل 6 اشهر في ذي الفترة رح تنزل لاننا رح نرجع نرسل للوزارة مرة ثانية وبين ما يردون علينا قلتله طيب مشكور ومشيت انا طلعت من المبنى وبدأت تمطر o.o تروشت في المطر شوية بين ما لقيت تاكسي ورحعت البيت الشي الوحيد المهم في موضوعي انو النسب رح تنزل بس صبررر نهاية كلامو ... يعني انتو اصبرو كم اسبوع او حتى كم شهر وبئذن الله انها راح تنزل الــى86 مع انو قال مستحيل بس اصبرووو لنو زي ماقال راح يسوو فرز مرة ثاني للي اقل من 90 وراح يرسلو الاسماء للوزارة ويستنو كمان فترة و القبول حيكون على بداية السنة الجديدة مو الترم دا ..لاتقولو لااا ليش السنة الجاية نبغى ندرس الترم دا <<احمدو الله قبل اشوية فقدتو الامل في القبول ودحين تقولو الكلام دا على الاقل احسن من انكم تعيدو القدرات ويمكن تجيبو نسبة مو كويسة فيه وما تنقبلو .. وبما انـهم حيسو فرز مرة تاني اكيد عشــــــان فاضل مقااعد كتيـــــــــــــــــــــــــــرة فاضية والمقاعد دي هي اللي حنجلس فيها كلنا "احلى قروووب في الدنيا " ...... بس انتو ادعو وكتروووو استغفاار صدقوني راح تشوفو اخبار حلو قريــــبا وخليكم صامدييييييييين << ما اقدر اقول صامدوووون زي حياة.. ليـــــش؟؟ لنو في دا الموضع صامدون مرفوعة وصامدين منصوبة عشان مفعول به خخخخ والقآآآدم أجمل

الحمد لله الحمد لله الحمد لله
اللهم لك الحمد كما ينبغي لجلال وجهك وعظيم سلطانك
حسبي الله سيؤتينا الله من فضله ورسوله انا الى الله راغبون
يارب فرحني واحبتي بالقبول عااااجلا غير اجلا يارب العالمين
تسلمي ياقلبي على الخبريه بس ان شاء الله يكونوا صادقين
اكثروا من الاستغفارو الدعاء في صلاة الليل الدعوه مستجابه باذن واحد احد