السلام عليكم اخواني انا نزلت جدة عشان استلم الشهادة
ورجعت بخف حنين يعني من دون ما استلم الوثيقة
بعد ما سويت اجراءات اخلاء الطرف واستلمو مني بطاقتي الجامعية
واستنيت لين يدورو الوثيقة قالولولي معليش اسفين ما انطبعت الوثيقة
تروحي تراجعي غرفة 26 تسأليهم ليش ما طبعو الوثيقة
وفيه بنات غيري قاعدة تستلم الوثيقة حقتها
رحت للغرفة يلي قالو عليها ردو عليا انه ما نعرف ايش السبب لازم ندخل على الاوديوس
والنظام مقفول للتحديث ما نقدر ندخل وراجعينا بعد اسبوعين
اتخيلو انا جايا من سفر واستأجر شقة في جدة عشان ارجع وما استلمت الوثيقة بجد ماني قادرة استوعب المهزلة يلي احنا فيها يعني انتو حاطين موعد لتسليم الوثائق المفروض الوثائق تكون جاهزة
او اذا في مشكلة تكون واضحة من البداية لان اكيد انهم انهو اوراق التخرج الخاصة فيا
والمفروض استلم الوثيقة
طيب اسألهم يا جماعة ايش ممكن يكون السبب ليش ما انطبعت الوثيقة حالي حال كل الناس طبعا كا العا دة لا توجد اجابة ورجعت منطقتي وانا ما استلمت الشهادة
انا بس ودي اعرف ايش ممكن يكون السبب ليش ما طبعو الوثيقة؟؟مع انه كشف الدرجات مكتمل فيه عدد الساعت ونموذج طلب التخرج ما يعتمد الا بعد دراسة حالة الطالب بس ابغى احد يفهمني ايش ممكن يكون السبب
مرررررررة اسفة طولت عليكم بس بجد الحالة اخر مهزلة