[سكون الورد k.a.u]

جدتي " أم أبوي" توفت لها اسبوعين تقريباً ..
ولما خذوها من بيتها بعد تغسيلها لقبـــرها ..
اطلعت معي هالكلمات اللي تجسد حواري مع ابوي واهلي ورثاءي لها ..

قلت :



" ياونـتي منها ضلوعي حطاما "
............. على جدتي راعية الجد والهون

لـَفـّوها بقماش ٍ ابيض خاما
............. ويم القبر راحو بسرعه يمشون

نخيتهم : ياراعين الدين والكراما
............. تكفون ياهلي ياعزوتي تكفون

وسعوا قبرها كان توحون الكلاما
............. قبل الحصى والتراب اللي تهيلون

ارموا بجسمي مع أم النشاما
............. هذا عزاي بموتها ياللي تعزون

اقفوا وبقلوبهم طعون السهاما
............. من طلبي اللي عَيـــّو يلبون !

قال ابوي: يابنيتي والله حراما
............. هذا قدر ربي مـدبـر الكون

جعل اللي عيونه ماتسهى ولاتناما
............. يبلغني فيك قبل موتي ينعون

الزمن كفيل يقشع سود الغماما
............. بس لاتهيضين بي حزن مكنون

حزن عيـّا يكف دمع ٍ غراما
............. على امي ضايق الصدر مغبون

من أول أكتم دمعي خوف الملاما
............. واليوم باح السد ياللي تعذلون

قلت: يايبه وَصِلْ لها منّا سلاما
............. قل لها:احفادك من البعد يبكون

وقل لها: الشمس من عقبك ظلاما
............. والدنيا خَلت من الطعم واللون

ابي اتطوى عند قبرها اعواما
............. ودي معها بس ياناس وشلون؟


راحت وتركت بحياتي علاما
............. مايمحاها بشر لو شيسون ؟

وبختامها صلوا وسلموا تماما
............. على نبي الرحمه ياللي تقرون

وسلامتكم ..


" اللهم صلِ وسلم وبارك على نبينا محمد أفضل الصلوات وأتم التسليم "