[th620]

المشاركة الأصلية كتبت بواسطة girl.k.s.a ^ يب تقدري لأنو مع ساعات هادا الترم يصير تكتب لهم 60 --------- الحلوة اللي قولت لها راح أسأل لك سوري ما قدرت أكلمهم --------- أخوي th620 ممكن كم سؤال عن التدريب :) * أو شي كيف كان التعامل انتا تقول بيئة عمل وليس تدريب !! يعني يعطونا اشياء نعملها لهم والا كيف ؟ والله يا أختي على حسب القسم الي أنتي فيه..بعض الاحيان يخلونك طول فترة تدريبك تتعلمي وتسوي كل شيء معاهم نفس عملهم بالضبط..يعلمونك كيف طريقة عملهم ايش الانظمة والطرق الي المفروض يمشي فيها عملهم وراح تشوفي أشياء كثير راح تتعرفي عليها لأول مرة بيئة عمل ممتعة * كيف مستوى اللغة المطلوب ؟ عادي راح تلقي ناس تعرف تتكلم انجلش كويس وراح تلقي ناس ما تعرف تقول اي كلمة مرررة لا تشيلي هم راح تتعلمي وتخرجي لك بكلمتين حلوة * في اختبار قبل بدأ برنامج التدريب ؟ لا ما في اختبار بس غالبا أول يومين يكون في شيء اسمه يوم تمهيدي يعلمونك عن السلامة في العمل والبيت والسيارة. * ساعات الدوآم كيف نظامها ؟ من 7 ونص الصباح الى 3 ونص العصر بس تعدي بسرعة أعطيني نبذة عن تجآربك السابقة وأعذرني على الكم الهائل من الأسئلة ..

كانت تجارب تدريب ممتازة والحمدلله..تجربة التدريب الاولى قبل سنتين كانت في مدينة اسمها رأس تنورة في المنطقة الشرقية طبعا بما أنه تخصصي بحري كنت في القسم البحري في أرامكو..والتجربة الثانية جت بالصدفة في جدة في القسم البحري برضوه في أرامكو.

المشاركة الأصلية كتبت بواسطة turki alharbi انا قدمت وكل شيء سويت كلل شيء بس نسيت الساعات المكتسبه نسيتها وارسلت الطلب جاتنى الرساله بعد دقايق انو تم رفض طلبك لانو معدلك اقل من 0.50 مافهمت ايش دخل الساعات المكتسبه بالمعدل ؟ كلمت الموظف وقلتلو انو ابغي اعدل هو عدلي الساعات وقلي وضعك تمام لكن للان ماجاتنى رساله منهم بعد ماعدل ماجاني اى شيء يعنى للان ادخل الاقي الطلب مكتوب عليه screening مو من المفروض يرسلو انو اتعدل ع ملفك او تم استلام طلبك ولا مو لازم ؟ اخر سؤال التدريب لشباب بجده ولا بظهران عندي كم عالم اختلفو في هنقطه أخوي أنت غلطت في تعبئة البيانات المفروض نظام المعدل تحطوه gpa أنت غلطت وحطيته percentage يعني مئوي ونحن نظام معدلنا تراكمي. بخصوص تعديل الملف مايجيك رسالة بس استلام الطلب المفروض جاءك..عموما ادخل صفحة ارامكو وبتلقى في نفس الصفحة حق التدريب الصيفي ايقونة التسجيل وتحت الدخول اذا كان عندك يوزر نيم وتحتها في ايقونة مكتوب عليها لارفاق الوثائق وتعديل الطلب تقدر تدخلي منها وتعدل الي تبغى وتسوي ارسال للطلب عشان يطمئن قلبك وبالنسبة لتدريب الشباب بما أنك ادارة واقتصاد توقع يحذفونك بأي مكان فيه ادارة لارامكو جدة او الرياض او الظهران او الخبر او راس تنورة او الاحساء كل هالمدن فيه ادارة لأرامكو. واسفين على رفع ضغطك بكثره الاسئله

المشاركة الأصلية كتبت بواسطة samya ياجماعه رحت ابغى اعدل صفحة البيانات عشان اشوف هرجة الرفض.. معدلك اقل من0.50!!! المهم لقيت نفسي ناسيه الباسوورد المهم سويتلو استعاده وارسلولي باسوورد جديد بس برضو مو راضي يدخل ع الصفحة تبعي سارت مشكلتين اخ تركي اكتب الرقم تبعهم بعدين تدريب الشباب بيكون من المحتمل يافـ الشرقيه او الغربيه سواءً جده او ينبع لانهم كثار المقدمين من كل الجامعات أختي بالنسبة للباسوورد لازم لمن يوصلك يوصلك حرف واحد والباقي ارقام الحرف الاول لازم تدخلي كابيتل حرف كبير وان شاء الله تضبط امورك وبخصوص المعدل هو رفض لانك غلطتي في ادخال البيانات المفروض نظام المعدل حطيتيه gpa مو percentage انتي حطيتي مئوي مو تراكمي عشان كذا رفضك اما البنات للاسف في الظهران:(

المشاركة الأصلية كتبت بواسطة ddd2009 والله تحمست للبرنامج مع أني تحضيري بس عندي كم سؤال أتمنى تساعدوني التحضيري يدخلو ذا البرنامج؟ لازم تكون مخلص 60 ساعة الحين نظام جامعة الملك عبدالعزيز بالساعات ولا السنوات ؟ سواء بالساعات او السنوات ساعات التحضيري أو السنة تنحسب ولا بس ساعات التخصص وسنواتها؟ الي اعرفه الساعات الي تنحسب الي بعد التحضيري وعاد مو متأكد يقبلون تخصص الأنظمة( قانون ) ؟ أخوي تتوقع شركة بكبر أرامكو ماعندهم مكتب استشارات قانونية مع جيش من المحامين اكيد يقبلون تدريب ووظائف كلها