[خالد9921]

ماشاءالله وش هالزين وش هالمواضيع البطلة

اي كذا أغيب بالمذاكرة والاختبارات وارجع ألقاكم مسويين شي يبسطني < برا

الشهادة لله شغل جبّار ومتعوب عليه وفكرة ولا أحلى

الأخت الكريمة مصرّه على قرارها

هلا وسهلا فيك

بتقولين ليش أحط قرارها
بقولك من زمان كل ما أشوف نكك أحسك داخلة هوشة وإلا تسوين اللي براسك ..
كيف حالك عساك بخير ان شاءالله ؟

مالك بالطويلة خلني أقول خطابي بمناسبة إستضافتك جرياً على عادة اللي قبلي
الحقيقة إنك من الأسماء اللي وضعت بصمة لن تُنسى في فترة وجيزة ماشاءالله
أنا شخصياً يمكن شفت بدايات دخولك للساحة وطرحك لمواضيع فيها
والحقيقة ما توقعت تضعي لنا هذا الكم من النشاطات والعصارة الفكرية الكبيرة ماشاءالله
لكن على ما قالوا مصرّه على قرارها .. مُصرّه إنّها تثبت نفسها وأثبتتها بالفعل في أجمل حُلّه
من المُجحف إني اختصر الكم من أفكارك وإبداعك وجهودك في شوية أسطر
لكن أقدر أقول إنّك اسم نسائي يأتي في مقدمة الأسماء النسائية عندنا ..
وكنتي وجه مُختلف غير مُقلّد في طرحك ونشاطاتك وهنا قمة الإبداع بصراحة
تتميزي بالشمولية العقلية في نقاش مواضيع كثيرة بحياتنا وهذا شي كبير يُحسب لفتاة بمجتمعنا ..
ايضاً توسّع المدارك شي آخر يُضاف لك ممّا أعطاك الله ..
وهذا جعلني أتابع مدونتك قبل فترة ماشاءالله فيها كم فكري جبّار وجميل
واستفدت من مقولات تحفيز النفس كثير الإستفادة
بس خففي علينا قصايد البدر واضربي بالوتر الحسّاس علشان استمتع بالمدونة ..

اي وش باقي بعد ؟
أبد أهنيك في نفسك طال عمرك وعسى الله يجعلك ذخر لوالدك وأهنيه فيك

نيجي للاسئلة .. الحقيقة يتضّح من بربرتي أعلاه إن ما عندي ما عند جدّتي

لكن خذي هالسؤالين عالطاير /

1- سؤال شخصي لك حرية الإجابة فيه
أشوف كلية البترجي في بياناتك ..
ممكن تحكين لنا القصة أو لك إلتحاق سابق بجامعتنا ؟

2- بحثتي في الموضوع اللي طرحتيه قبل فترة بالساحة وراسلتك بخصوصه ؟
يا شين الأسئلة الغلط
ما أخفيك رجولي بدأت تتصافق يوم شفتك جايبه هنا البيان حق العلماء ..
أيام مظاهرة بريدة والعيال < أبد كان عايش معهم

ان شاءالله نكون ما ثقلنا عليك ولا قصّرنا في الإشادة بشخص كشخصك الكريم
شرفتينا بهالتواجد .. والله يوفقك إختي وين ما كنتي ويسهل دربك وينوّلك مرادك

وين مُخرج العمل ؟ هو صوت الفجر صح ؟

افا مسموح سؤالين بس ؟
ترى بسوق الهبل المرّات الجاية وأجيب السؤال فقرات ..

قوّاكم الله + صح عليكم