السلام عليكم ورحمة الله وبركاته
اول شي الدرجات مرة سيئة نعوضها ان شاءالله بالدوري الثاني
ثاني شي اليوم صحبتي راحت لمشرفة قسم المحاسبة وكلمتها ع الدرجات وانه نبغى منها تكلم الدكتور
يعيد لنا الاختبار او ع الاقل يسوي لنا اختبار تحسين
قالت لها المشرفة ماجاء الا انتي اذا جبتي بنات اكثر انا راح اكتب لكم خطاب عشان يعيد الاختبار خصوصا لمن عرفت ان درجة الاختبار من 30
المهم انه بكرا نبغى اكثر عدد من البنات يروحو يكلموها
*اسم المشرفة : سلوى اعظم
*ساعاتها المكتبية بكرة من 9 الى 1
*مكتبها في مبنى 2 اول ماتطلعي الدرج خذي يسار راح يكون 3 مكتب ع اليسار < ع وصف صحبتي
اسمعو بنات احنا مانشتكي ع الدكتور ولا ع الاسئلة لان الصراححه شرحو ماعليه كلام ثاني شي الاسئلة ماكانت خارج الكتاب ابد
اللي لازم نوصلو للمشرفة ان الوقت ماساعدنا وان احنا درسنا المبادى بالانقلش عشان كذا خبصنا كثير وانه احنا نبغى تحسين اقل شي او يحسب هذا الاختبار من 20 ويختبرنا مرة ثانية من 10 المهم انه تتحسن الدرجة
واخر شي اسفة ع طول الهرج واللي عندها اي اقتراح تقول ولا تنسو تقولو لصحباتكم لان الوقت متاخر ومو الكل بيدخل المنتدى الحين
وبس
